افغانستان سابق مالیه/ سالیق وزیری و یازووچی عبدالکریم میثاق پارکینسون و یوتل کسللیگی باعث 80 یاشیده لندنده عالمدن اوتدی.
افغانستانلیک بو یازووچی همده سیاستچی 1335- ییلده غزنی ولایتیده دنیاگه کیلگن. او، تحصیلاتینی بیتیرگندن کیین دموکراتیک خلق حزبیگه کیرگن. شونینگدیک میثاق 1978دن 1979- ییللرده نور محمد ترکی و حفیظالله امین حکومتیده مالیه/ سالیق وزیرلیگیده خذمت قیلگن.
اوزاق وقت جناب میثاق بیلن بیر ییرده یشهگن افغانستانلیک یازووچی رهنورد زریاب نینگ سلاموطندارگه ایتیشیچه، میثاق وزیر ایتیب تیعن لنمسدن آلدین جمعه کونلری ادبی انجمنلرده اشتراک قیلیب ادبی مسالهلرگه عاید بیر قنچه موضوعلر اوستیده بحث آلیب بارردی.
اخیرگی یریم قرندهگی مملکت نینگ ییریک سیاستچیلریدن بیری افغانستان علوم اکادمیسی نینگ مصلحتچیسی سلیمان لایق، میثاق برماق بیلن سنله دیگن ضیالیلردن بولگن لیگینی ایتگن. سلیمان، میثاق موجود امکانیت بیلن مملکت سیاست میدانیده اوزینی اتاقلی قیلیشگه موفق بولگن دیگن.
شونینگدیک جناب لایق، میثاقنی مملتنینگ موفق سیاستچی و مدیرلریدن بولگنلیگینی تیلگه آلگن. عبدالکریم میثاق مالیه/ سالیق وزیری ایتیب تعین لهنیشی بیلن بحرانگه روپه ره بولگن مملکت اقتصادینی اینگ یخشی مدیریت بیلن بحران دن چیقارگن.
میثاق، 40- دهه نینگ زبردست شاعرلریدن بولگن. اونینگ بعضی اثرلری جملهدن دخترک گل فروش، قیسقه داستانلر مجموعهسی، لبخند مادر، میلودی دریاچه، راه سیز، نجوای بنقشهیی و نرگس آبی لردن عبارت. جناب میثاق، میلادی 1990- ییلده بریتانیاگه سفر قیلیب، عمرینینگ سونگیگه قدر او مملکتده حیات کیچیرگن.
