ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده 542 شبههلی واقعه اوشبو وزارت نینگ آزمایشگاهلریگه سیناودن اوتکزیلگن و بو جملهدن 70 واقعه ایجابی اثباتلنگن.
بوگون "چهارشنبه" ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، اوتگن 24 ساعت جریانیده، کرونا ویروسیگه چلینگن 13 ایجابی واقعه کابل، 22 واقعه هرات، 3 واقعه قندهار، 3 واقعه غزنی، ایکی واقعه میدانوردک، ایکی واقعه کنر، ایکی واقعه ننگرهار، ایکی واقعه نیمروز، بیر واقعه فاریاب، بیر واقعه ارزگانه و باشقه بیر واقعه بغلانده رویخط گه آلینگن.
کرونا ویروسیگه چلینگن اوشبو 70 ایجابی واقعه شامل مملکت بوییچه کرونا ویروسیگه چلینگنلرنینگ سانی 784 کیشیگه ییتیشگن.
ساغلیقنی سقلش وزیرلیگیگه کوره، حاضرگهقدر کرونا ویروسیگه چلینگنلردن 23 تهسی جان بیریب و باشقه 40 تهسی درمانلنگن.
عینحالده، قندهار ولایتی بوییچه ساغلقنی سقلش ریاستی رسمیلریدن بیری دکتر سرور فیروزی نینگ ایتیشیچه، اوشبو ولایتده حاضرگهقدر 93 کیشی کرونا ویروسیگه چلینگن و اولردن 13 تهسی ساغلیک ایشلاوچیلریدن دیر.
بیراق، کیملیگی سیرقالیشنی ایستهگن بیرمنبع نینگ سلاموطندارگه ایتیشیچه، قندهار دکترلری و ساغلیک ایشلاوچیلریدن 18 تهسی کرونا ویروسیگه چلینگن.
منبع نینگ ایتیشیچه، مذکور دکترلر و ساغلیک ایشلاوچیلر قرنطین قیلینگن و ساغلیک وضعیتلری یخشی دیر.
