پروان ولایتی بوییچه ساغلیقنی سقلش ریاستی مسووللری نینگ ایتیشلریچه، چاریکار شهریده سووتاشقینلر سبب، قربان بولگنلرنینگ سانی کوپهیماقده دیر.
پروان ولایتی بوییچه ساغلیقنی سقلش ریاستی باشلیغی عبدالخلیل حیدری نینگ سلاموطندارگه ایتیشیچه، چاریکار شهریده یوز بیرگن سووتاشقینلرده هلاک ایتیلگنلرنینگ سانی 110 کیشی و یرهلنگنلرنینگ سانی 126 کیشیگه کوپهیگن.
اونینگ ایتیشیچه، اوشبو رقم کوپهیماقده و حاضرده هم قربان بولگنلرنینگ جسدلرینی چیقاریش اوچون عملیاتنی دوامی بار.
مسووللرنی قربان بولگنلرنینگ اقاربلریدن نقل قیلیب ایتیشلریچه، حاضرده هم کوپ قطار جسدلر توپراق نینگ آستیگه قالگن.
اوتگن "چهارشنبه" کیچهسی پروان مرکزی، کابل ولایتی نینگ سروبی تومنی، کاپیسا، پنجشیر، میدانوردک، لوگر، ننگرهار، پکتیا، پکتیکا، نورستان، لغمان، خوست و باشقه بیرقطار ولایتلرده شدتلی سووتاشقینلر سبب، کوپقطار وطنداشلریمیز هلاک و یرهلنگنلر.
پروان محلی مسووللری نینگ ایتیشلریچه قربان بولگن عایلهلرگه نقده یاردملر توزیع قیلینگن و تیکشیروولر یکونلنگنیدن سونگ، آذیق-آوقات و باشقه مادهلر توزیع قیلینهدی.
