بدخشان ولایتیده ساغلیک مسؤوللری نینگ سلاموطندارگه ایتیشیچه، اوشبو ولایت نینگ 3 ولسوالی و باشقه بیر دولتی مسؤولی ینگیلیک ده کرونا ویروس گه چلینگن.
بدخشانده کرونا ویروس گه قرشی کورهش اوچون ولایتی مسؤول شاهدالله دانشی نینگ ایتیشیچه، اوشبو ولایتده کرونا ویروس گه چلینگنلردن باشقه 3 ینگی واقعه رویخط گه آلینیشی بیلن چلینگنلرنینگ رقمی 14 کیشی گه ییتیشگن و کیلهجک کونلرده بو ویروس کینگهییشی توغریسیده خواطر موجود.
اونینگ ایتیشیچه، اوشبو ویروس نینگ بیرینچی واقعهسی بیلن علاقه ده بولگن بوتون ولسواللر و ساغلیک ایشلاوچیلریدن اوزلرینی قرنطین قیلیشلری طلب قیلینگن. اونگه کوره، بو ولسواللر بدخشان ولایت مقامی تامانیدن یولگه قوییلگن ییغینده کرونا ویروس گه چلینگنلر.
بدخشان ولایتیده مدنی جماعهچیلیک ادارهسی باشلیغی سیفالدین سایس نینگ ایتیشیچه، ولسواللر بیر ییرده توپلهنیب و ساغلیک موضوعلرینی رعایت قیلمهگنلری باعث، ییغین اعضالریدن بیرقطاری کرونا ویروس گه چلینگنلر. اونینگ ایتیشیچه، بیر هفته آلدین بدخشان ولسواللریدن بیرقطاری، جمهور رئیس بیلن ویدیو کنفرانس اوتکزیش اوچون بیر ییرده توپلنگن ایکنلر.
بدخشان حاکمی سوزلاوچیسی نیکمحمد نظری نینگ ایتیشیچه، کرونا گه چلینگن ولسواللر هر کون اهالی بیلن علاقه ده دیر و بو ویروس کینگهییش خطرینی آشیرهدیلر. او، ییغینده اشتراک قیلگنلردن کرونا سیناوی بیریشلرینی طلب قیلگن.
عین دمده، بدخشان ولایتی بوییچه ساغلیقنی سقلش ریاست باشلیغی نینگ ایتیشیچه، بدخشانده کرونا ویروس کینگهییش باسقیچی گه کیرگن و اهالی تعیین ایتیلگن چیکلاولرنی جدی آلمهیدیلر.
