قوراللی طالبلر فاریاب ولایتی شیرینتگاب تومنینینگ آستانه بابا منطقهسیده ایکّی یاش ییگیت و بیر کیکسه ایرککنی خانهدانی کوزی آلدیده آتیب اولدیرگن.
شیرینتگاب تومنینینگ ولسوالی سید لقمان گهرکنینگ سلاموطندارگه ایتیشیچه، مذکور تومننینگ آستانه بابا منطقهسی سقوط قیلگندن کیین اوچ کیشینی خانهدانی مقابیلیده آتیب اولدیرگن.
نامی فاش ایتیلسملیک شرطی بیلن سلاموطوندار ترماغیگه صحبت بیرگن امنیتی بیر رسمی، اوشبو کیشیلر حکومت بیلن هیچ قندهی علاقهسی بولمهگن دیگن. منبع، اولدیریلگنلردن بیری بیر انبارنینگ قوریقچیسی و بیرتهسی ایسه دهقان ایکن لیگینی بیلدیرگن. اونگه کوره، مذکور شخصلر هیچ بیر سیاسی جریان بیلن علاقهده بولمهگن.
طالبان هنوزگچه بو حقده بیرار نرسه دیمهگن.
فاریاب مملکت شمالیدهگی نابرقرار ولایتلر جملهسیدن، بو ولایتده جنگریلرینینگ فعالیتی اخیرگی وقتلرده آشیب بارماقده.
