اوشبو ترافیکی واقعه اوتگن کون «پنجشنبه، 21- قوس» کیچ قورون کابل- جلالآباد قتناو یولیده «کفترخانه» منطقهسیده تیز حرکتلی بیر موتر باشقه بیر تیل تانکری بیلن توقنشگن بیرچاغده یوز بیرگن.
لغمان حاکمی سوزلاوچیسی اسدالله دولتزی نینگ ایتیشیچه، بو واقعهده بیر عیال و بیر باله شامل 9 کیشی جان بیرگن و باشقه 2 کیشی یرهلنگن.
لغمان حاکمی سوزلاوچیسی گه کوره، اوشبو ترافیکی واقعه تیز حرکتلی موتر هیداوچیسی نینگ احتیاط سیزلیگیدن یوز بیرگن.
اوشبو واقعه گواهلری نینگ ایتیشیچه، بو واقعهده 10 کیشی جان بیرگن و باشقه 4 کیشی یرهلنگن.
مذکور واقعه یرهدارلری نینگ وضعیتی آغیر گزارش بیریلگن.
کابل-جلالآباد قتناو یولی مملکت شرقیده ترافیکلی قتناو یوللردن بیری دیر. بیراق جاده تارلیگی، گاوجوملیک و هیداوچیلرنینگ دقتسیزلیگی باعث، بو قتناو یول هر کون ترافیکی واقعهلرگه گواه بولهدی.
شو توغریده…
دایکندی ولایتیده ترافیکی حادثه عاقبتیده 5 کیشی هلاک و 20 کیشی یرهلنگن
