بوندن آلدین خیالی عسکرلر، خیالی مکتبلر و خیالی کلینکلر موضوعی ییتکرمهلرده دالضرب مساله ایدی، لیکن ایندی حادثه فرق قیلگن. هرات شهردارلیک ادارهسی نینگ مسووللری، اخیرگی پیتلرده ییر مافیالری بیر قنچه ییرلرنی قبرستان اوچون اختصاص لشتیریلگن لیک بهانهسی بیلن عصب قیلگن لیکلرینی ایتگنلر.
هرات شهردارلیک ادارهسی نینگ اورین باسری غلام غوث نیکبین سلاموطندارگه بیرگن صحبتیده، ییرنی تارتیب آلگن شخصلر مذکور ییرلرده کیچهلب ساختهگی قبرلر توزهتیب و کندوزلری بو ییرلر تیورهگینی قبرستان بهانهسی بیلن دیوار قیله دیلر دیگن.
شونینگدیک جناب نیکبین، فقط جاری ییل آقیمیده نیچه ته کته و کیچیک خیالی قبرستان ویران ایتیلگن لیگینی بیلدیرگن. شونینگدیک بعضی کیشیلر ییرنی تارتیب آلیش نیتده مذکور ییر اوسیتده مسجدلر هم قورگن لیکلریگه اشاره قیلگن جناب نیکبین.
هرات شهردارلیک ادارهسی نینگ اورین باسریگه کوره، بوندهی غصب بولگن ییرلرنی قیته قولگه کیریتیش اوچون بو اداره نینگ ملازملری کلتکلنگن لیگیگه قرهمی، هرات شهردارلیگی هنوزگچه مینگلب جریب ییرنی ذمهسیگه آلیشگه موفق بولگن.
هرات ولایتی والیسی نینگ سوزلاووچیسی جیلانی فرهاد، ییر مافیالری بیلن قولی بولگن بعضی دولت ملازملری حبسگه آلینگن لیگینی تصدیق ایتگن. جناب فرهاد حبسگه آلینگنلرنینگ سانی 100 دن آرتگن لیگیگه اشاره قیلگن. ایتیلشیچه، بولر عدالی و قضایی ادارهلرگه تانیشتیریلگنلر.
معین بیر ماسترپلان بولمهگنلیگی توغریسیده اشاره قیلگن غلام غوث نیکبین نینگ ایتیشیچه، کوپینچه اهالی یشیل و دَم آلیش ییرلرنی جسدلرینی توپراققه تاپشیریش قبرستانیگه ایلنتیرگنلر، اما هرات شهردارلیک ادارهسی تیزلیک ولایت نینگ شمالی و جنوبی حدودیده جسدلر توپراققه تاپشیریلیشی اوچون معیین ییرنی خلق اختیاریگه قویهدی دیگن.
