فاریاب ولایتی کینگش اروین باسری صبغتالله سیلابنینگ سلاموطندارگه ایتیشیچه، مذکور ولایت کوهستان، گرزیوان، بلچراغ، غورماچ، المار، دولتآباد، شیرینتگاب، خواجهسبزپوش و پشتونکوت تومنلریده هیچ بیر مکتب فعالیت قیلمهیدی و عینحالده، بو تومنلر اوقیتووچیلرینینگ آیلیک‌لری بیریلهدی.
جناب سیلابنینگ ایتیشیچه، ناتینچلیکلر باعث اوشبو تومنلرنینگ مکتبلری یاپیق قالگن.
دولتآباد تومنینینگ ولسوالی میرویس داوودزوینینگ ایتیشیچه، مذکور تومن مکتبلری اوقووچی‌لر اوچون آچیق دیر؛ بیراق امنیتی تهدیدلر بولگنی باعث اوقووچی‌لر صنف که حضور تاپمهیدیلر.
بیراق غورماچ تومنینینگ ولسوالی سیدداوودنینگ ایتیشیچه، مسلکی اوقیتووچیلر بولمهگنی سبب اوقووچی‌لر مکتب باریشدن دلسرد بولگن.
عینحالده، فاریاب ولایتی معارف ادارهسینینگ تدریسی بولیمی اورین باسری محمدیاسین ارسلاننینگ ایتیشیچه، مذکور ولایتده یالغیز 9 مکتب غورماچ، قیصار، بلچراغ، شیرینتگاب و دولتآباد تومنلریده امنیتی تهدیدلر سبب یاپیق دیر.
فاریاب ولایتینینگ 10 تومنی امنیتی تهدیدلر آستیگه قرار تاپیب و اوشبو تومنلر مرکزلری دولت کنترولیگه بیراق باشقه بوتون قیشلاقلری طالبان نظارتیگه دیر. بلچراغ و غورماچ تومنلرینینگ مرکزلری هم کامل صورتده طالبان تصروفیگه بولیب و اوشبو ایکی تومن مکتبلری یاپیق قالگن.
