فوایدعامه و بیر خصوصی شرکت اورتهسیده عامهوی بیر یول و ایکی کوپریک توزهتیلیشی اوچون بیتیمگه قول قوییلگن.
بوگون فواید عامه رسمیلری نینگ خبری انجمن آلیب ایتیشیچه، مذکور شرطنامه اساسیده کابل کلکان تومنیده 6 کیلومتر یول 8 متر اینی بیلن، کاپیسا ولایتیده 11 متر اینی و 99 متر اوزونلیگیده موتر اوتهدیگن بیر کوپریک و بغلان ولایتیده 30 متر اوزونلیگی و 7 متر اینیده باشقه بیر کوپریک ایسه توزهتیلیشی ممکن.
فواید عامه وزیرلیگی نینگ مالی و اداری معینی نعمتالله حیدری اوشبو بیتیمگه قول قویش پیتیده ایتیشیچه، بو لایحهلر 220 میلیون افغانی هزینه سیده دولت و جاپان مملکتی تامانیدن توله نیلهدی.
جناب حیدریگه کوره، مذکور لایحهلر کیلگوسی 12 دن 17 آیگه قدر ایش آلیشگه بیریلهدی.
فواید عامه وزیرلیگی نینگ رسمیلری لایحهلر ایشینی آلگن شرکتدن پروژهلر کیفیتیگه دقت قیلیشلرینی طلب قیلهدی.
مجلس اعضاسی داوود کلکانینینگ اوشبو اولتیریشده اشتراک قیلیب، مذکور یوکسهتیش لایحهلر عملگه آشیریلیشی بیلن کوپلب ایش زمینهسی یرهتیلیشی یانیده، قوشنی ولایتلردن ایکینچیلیک محصولینی و بو ولایتدن باشقه ولایتلرگه آلیب کیتیش اوچون آسانلیک کیلتیرهدی دیدی.
