عیاللر هماهنگلیک ترماغی، سوادسیزلیکنی برطرف ایتیش نامی آستیده کابلده بیر مدنی حرکت یولگه تشلهگن. اوشبو کمپاین سوادسیزلیکنی بر طرف ایتیش نیتیده بیر قنچه فعال عیاللر تامانیدن یولگه قوییلگن. اوشبو ترماق باشقه عیاللردن هم کونگیللی روشده بو حرکت گه قوشیلیشنی سوره گنلر.
فعال عیاللردن بیری خانم شهلا امیری، سواد اورگهتیش عیاللر اساسی حقینینگ بیر بولهگی سنهلهدی دیگن. مملکتده عیاللرنینگ کته قسمی سوادسیز قالیگنلیگی ییریک فاجعه گه سبب بولگن دیدی خانم امیری.
عیاللرنی سوادسیزیلیک احوالدن چیقاریش افغانستان حکومتی و دنیا جماعهچیلیگینینگ قیلهجک اصلی ایشی نینگ بیر قسمی بولیشی اوستیده تاکیدلنهدی.
سوادسیزلیککه قرشی کورهشیش اورین باسرلیگینینگ نمایندهسی زهرا جعفری، عیاللر هماهنگلیک ترماغی نینگ سوادسیزلیکنی برطرف قیلیش اوچون نظرده توتگن لایحهسی توغریسیده ایتیشیچه، سوادسیزلیککه قرشی کورهشیش لایحه اوزلوک سیز دوام ایتهدی.
اونگه کوره، هر عایلهدن بیر کیشی سوادلی بولگن تقدیرده، خانهدان نینگ قالگنی اعضالری هم مذکور شخصدن سواد اورگهنیب، بیلیم و معرفت نعمتیدن بهرهمند بولیشیلری احتمالدن ییراق ایمس لیگی اورغولنهدی.
ایتیلیشیچه، اوشبو ترماق سوادسیزلیکنی بر طرف ایتیش کمپاینینی افغانستاننینگ اوزاق ولایتلریده جایلشگن قیشلاقلرگچه ییتکزیشنی انابتگه آلگن. خاتین – قیزلر هماهنگلیک ترماغی، اوشبو لایحه بوتونلی عملگه آشیریلگن حالده، قویاش کیلگوسی ییلگه قدر مملکت ده سوادلی خانملرنینگ سانی ایکّی برابرگه آشیشی ممکن لیگینی معلوم قیلگن.
بیرلشگن ملتلر تشکیلاتینینگ رواجلنتیریش برنامهلریدن بیری تعلیم و تحصیل آلگنلر و سوادلی انسانلر سانینی آشیریش دیر. اوشبو لایحه گه موافق هر بیر جامعهدهگی اجتماعی رواجلهنیش اوشه جامعه سوادلی کیشیلرینینگ میزانی کوپ لیگی یا – ده آزلیگیگه قرهشلی دیر.
