شمالشرقدهگی انسان حقوقلری ایرکین کمیسیون رسمیلری نینگ «کید» اوینلر مدنیتی آشیریلیشیدن خواطر بیلدیریب، قندوز و بغلان ولایتلریده اوتکزیلگن تیکشیروولر اساسیده بچهبازلیک فرهنگی ناتینچلیکلر کوپهیشی بیلن بیرگه بولگن دیگنلر.
شمالشرق انسان حقوقلری ایرکین کمیسیون باشلیغی حیاتالله امیری نینگ سلاموطندارگه قیلگن بیاناتیده ایتیشیچه، هردایم باش پناهسیز بالهلر و یاش ییگیتلر اوشبو پدیده قربانی بولگن. جناب امیری بو توغریده فعالیت قیلهدیگن نهادلردن ایستهیدی بالهلرنینگ اجتماعی شخصیتلرینی سقلش و بچهبازلیک فرهنگینی یوقاتیشده بیر قول بولیب عامللرینی قانونگه تاپشیرسینلر.
بغلان امنیه قومندانلیگی سوزلاوچیسی ذبیحالله شجاع نینگ بچهبازلیک مسالهسینی رد قیلیب ایتیشیچه، بغلان مرکزی و تومنلرده ایشگه بیریلگن پولیس کوچلری بونقه نرسهلر عاملینی توتگن صورتده عدلی و قضایی نهادلرگه معرفی قیلهدیلر.
دین عالملری هم اسلام دینیگه بچهبازلیکنی حرام دیب عامللریگه آغیر جزالر نظرده توتیلگنلیگینی تیلگه آلهدیلر.
بغلان دین عالملریدن مولوی سبحان نینگ ایتیشیچه، اساسی قانونده بچه بازلیک سوزی کیلمه گن، لیکن اخلاقی فساد دییلگن.
مملکت شمالشرقیدهگی انسان حقوقلری ایرکین کمیسیون رسمیلری بچهبازلیکنی بیر جرم حیثیده یاکی قانونگه قرشی عمل دیب تانیتیلمه گنلیگی دلیل اوشبو جیرکنج عمل کوپهیب بارماقده دیدیلر.
