بوگون «چهارشنبه» کابلده خبری بیر ییغین اوتکزگن عیاللر وزیرلیگی مسؤوللری، شاشیلینچ حالت و اوروش شرایطیده عیاللرنی حمایه قیلیش قانونینینگ مقدمهسی تیارلنگنیدن خبر بیرگن.
عیاللر وزیرلیگینی اورین باسری سپوژمی وردک نینگ ایتیشیچه، اوشبو مقدمه تیارلنیشیدن مقصد، شاشیلینچ حالت و اوروش شرایطیده زیان کورهدیگن عیاللردن حمایت قیلیب و اولرنی قوریش دیر.
وردک گه کوره، قاچقینلیک و اوروشدن زیان کورگن عیاللرنینگ شکایتلری باعث، عیاللر وزیرلیگی و مسؤول ادارهلرنینگ رسمیلری شاشیلینچ حالت و اوروش شرایطیده عیاللردن حمایت قیلیش قانونینینگ ریجهلب و تیارلشگه قرار قیلگن.
عیاللر وزیرلیگینینگ مسؤوللریگه کوره، شاشلینچ حالت و اوروش شرایطیده عیاللردن حمایه قیلیش قانونینینگ مقدمهسی 2 آی جریانیده مسؤول ادارهلرنینگ مصلحتی بیلن تیارلنگن.
شاشلینچ حالتده عیاللر خوفسیزلیگینی تأمینلش، زیان کورگن عیاللر اوچون خوفسیز و وقتینچهلیک باش پناه ایجاد ایتیلیشی، روحی و روانی حمایه و شاشیلینچ و اوروش حالتلریده عیاللر اوچون حقوقی خذمت ارایه قیلیش مذکور قانوننینگ اصلی مقصدلریدن بولگن.
