مملکت شمال شرقیده جایلشگن قندوز ولایتینینگ بیر قنچه یشاووچیلری، یاقیلغی مادهلرنی قیشلاقلرگه آلیب کیتیشده امنیتی کوچلر رخصت بیرمیدی دیگنلر. بو موضوع ولایت ایکینچیلری محصولاتلرینی ییغیشده قیینچیلیک یرهتگن.
قندوزنینگ قیشلاقلرگه نفتی مادهلر آلیب کیتیلیشی تعقیق لنگنلیگینی امنیتی رسمیلر تصدیق قیلگنلر. سپین زر 808 زون قوماندانی شیرعزیز کامهوالنینگ ایتیشیچه، اوشبو دهقانلر نفت مادهلرینی طالبلرگه ییتکزهدی. جناب کامهوال، ایکینچیلر موترسایکل و موتردن فایدهلهنیب نفت مادهلرینی قوراللی طالبلرنینگ اوزاق حدودلرده جایلشگن مرکزلریگه ییتکزه دیلر دیگن.
لیکن، قندوز ولایتی ولایت کینگشینینگ باشلیغی محمدیوسف ایوبی نفت مادهلری قوراللی طالبلرگه ییتکزیلیشینی رد قیلیب، یاقیلغی مادهلرنی ایکینچیلر زراعتی ماشینلرگه ایشلتهدیلر دیدی.
ایوبی، آلتی آیدن بیری بو قبیل قیینچلیک بیلن روپه ره ایکنلیکلرینی تیلگه آلگن. اما، موضوع ولایت محلی رسمیلریگه ییتکزیلگن لیگیگه قرهمی، هنوزگچه بو توغریده هیچ قندهی اعتبار قره تیلمهگن.
شونینگدیک بیر قنچه نفت مادهسی ساتیووچیلری آتیشمه جریانیده امنیتی کوچلر نفت تانکلرینی اوز لریگه قلقان صفتیده استفاده قیلهدی دیگنلر. اولر، امنیتی رسمیلر بو مساله آلدینی آلمهگن حالده، بولر فعالیتلرینی توختهتیش بارهسیده آگاهلنتیرگنلر.
حاضر بوغدا، ارپه و برنج محصولاتلرینی قولگه کیرتیش فصلی. قندوزلیکلر کوپینچه اوز محصولاتلرینی ییغیشده زراعتی ماشینلرنی ایشلته دیلر.
قندوز مملکت شمال شرقیده جایلشگن نا برقرار ولایتلردن حسابلنهدی. بو ولایت اوتگن ییل اوچ کون قوراللی طالبلر نظارتیگه اوتگن ایدی.
