جوزجان ولایتیده جنسی زورهوانلیککه دوچ کیلگن 13 یاشر قیز و آنهسی، جنسی زورهوانلیک قیلگنلرگه قرشی شکایت قیلیش اوچون نیچه مرته مذکور ولایتنینگ پولیس قومندانلیگیگه کیلگنلر.بیراق، حاضرگهقدر بو سعی و حرکتلر هیچ قندهی نتیجه بیرمهگن.
حاجیهنینگ آنهسینینگ ایتیشیچه، سرپل ولایتیده عامهنی قورووچی اداره قومندانی چاری رئیس گه تیگیشلی قوراللی کیشیلر دستلب اونینگ قیزینی اوغیرلب و اوندن سونگ، شفقتسیز و گروهی شکلده جنسی زورلهگنلر. قیزنینگ آنهسینی ایتیشیچه، شکایتی گه دقت قیلینمهگن صورتده، جوزجان ولایت مقامینینگ دروازهسینی برابریده اوزینی اوت بیرهدی.
جوزجان ولایتینینگ ساغلیقنی سقلش باشلیغی داکتر حفیظالله جمشیدینینگ ایتیشیچه، ساغلیق آزمایشلردن سونگ حاجیهنینگ اوستیگه جنسی زورهوانلیک یوز بیرگنی اثبات ایتیلگن.
عینحالده، انسانی حقلر کمیسیونینینگ جوزجان، سرپل و فاریاب ولایتیدهگی مسوولی مغفرت صمیمینینگ ایتیشیچه، بو وضعیتنینگ دوامی افغانستان عیاللریگه قرشی قیینچلیک یرهتهدی.
بیراق جوزجان حاکمی مولوی لطفالله عزیزینینگ حاجیهنینگ عایلهسیگه اطمینان بیریب ایتیشیچه، اوشبو واقعهگه قوللری بولگن کیشیلر قولگه آلینیب محکمه ایتیلهدی.
شونینگدیک جوزجان امنیتی مسووللری، اوشبو واقعه عامللرینینگ قولگه آلینیشینی بیلدیریب بیراق حاضرگهقدر مذکور واقعه خصوصیده هیچکیم قولگه آلینمهگن دیدیلر.
باشقه تاماندن، سرپل ولایتیده عامهنی قورووچی اداره قومندانینینگ ایتیشیچه، مذکور واقعهگه قوللری بولگن کیشیلرنی قولگه آلیش اوچون سعی و حرکت قیلهدی؛ بیراق اوشبو واقعهگه قولی یوق دیر.
