جوزجان ولایتی نینگ بیر قنچه ولایتی کینگش اعضالری و ولایت یشاووچیلری، درزاب و قوشتپه تومنیده بیر قطار دینی مدرسهلر اوقووچیلرنی ترورچیلیک و دولتگه ضد فعالیت ایتیشگه ترغیب ایتهدیلر دیگنلر.
نا برقرارلیکلر باعث فرزندلری مکتب باریشدن محرم قالگن تومن یشاووچیلری نینگ سلاموطندارگه ایتیشلریچه، اوقیش و یازیشنی اورگهنیش اوچون بالهلرینی دینی مدرسهلرگه یوبارگنلر، اما مدرسه اوقیتووچیلری بولرنی دولتگه ضد فعالیت قیلیشده تحریک قیلهدی.
اولرنینگ سوزلریگه کوره، پاکستانلیک ملالر مذکور تومنلرده گی دینی مدرسهلرده یاشلرگه ترروچیلیک و ماین اورنهتیشنی تعلیم بیرهدی.
جوزجان ولایتی کینگشی نینگ اعضالریدن حلیمه صدف کریمی، داعش و طالب قورقیشیدن قوشتپه و درزاب تومنیده قیزلر مکتب باره آلمی دیلر دیدی.
صدف کریمی، مذکور تومنلرده گی جنگریلر عملیات اوتکزیلیشی بیلن تازهلنمهگن حالده، مکتبلر ایشیگی اوقووچیلر یوزیگه بوتونلی یاپیلیب، دینی مدرسهلر بالهلرنی ترروچیلیک فعالیتلرگه ترغیب ایتیش کوپراق اوچون سعی و حرکت قیله دیلر دیگن.
اما، جوزجان ولایتی والیسینینگ سوزلاووچیسی محمدرضا غفوری، ملی کوچلر هیچ کیمگه بالهلرنی افراطیتگه ترغیب قیلیشده رخصت بیرمیدی دیگن. جناب غفوری، ملی کوچلر تیزلیکده نا تینچ تومنلرده حربی تازهلش عملیات اوتکزه دیلر دیدی.
قوشتپه و درزاب فاریاب و سرپل ولایتلری بیلن چیگرهداش بولگنی اوچون جنگریلر تیزلیکده بو تومنلرگه یول آلیب امنیتنی بوزیشگه موفق بولهدی.
