سلاموطندارنینگ اختیاری گه بیریلگن مدرکنی کورستیشیچه، بدخشان بیلیم یورتینینگ باشلیغی خسرو نظری و انسانی منبع آمری احمدجاوید واثق، نیچه ییلدن بویان دواملی شکلده صلاحیتلردن سوءاستعمال قیلهدیلر. قولگه کیریتیلگن مدرکده بدخشان بیلیم یورتینینگ باشلیغی خسرو نظری و انسانی منبع آمری احمدجاوید واثق، پارهخورلیک، آلقیشنامه بیریش، اوی کراسی و مسافر خرجتی نامیده بیلیم یورت بودجهسینی تالان قیلیش، خویشخورلیک، عیال ایشلاوچیلرنی جنسی زورلش، اجیرلرنی زوردن ایشلهتیش و شخصی ایشلریده بیلیم یورت امکانیتلریدن فایدهلنیشگه عیبلنگنلر.
بدخشان بیلیم یورتی باشلیغی خسرو نظری، صلاحیتیدن فایدهلنیب اوزی و انسانی منبع آمری احمدجاوید واثق گه 25 مینگ افغانیدن 72 مینگ افغانیگچه امتیازلرگه ایگه بولگن نیچه آلقیشنامه بیرگن. لیکن بو بخششلر مالیه وزیرلیگینینگ مالی اورین باسرلیگینی 1392- مالی ییلینینگ 7- رقملی مصوبهسیگه قرشی دیر. مالیه وزیرلیگی مصوبهسینی 13- مادهسیده کیلیشیچه، بیجا خرجت آلدی آلینیشی اوچون آلقیش آیلیکلری، آلقیشنامه بیریش و باشقه وقتینچهلیک اضافی خرجتلر اجرا ایتیلیشی خصوصیده، قیسقرتمهلر ایجاد ایتیلگن.
شونینگدیک، جناب نظری کمیده بیش یوز مینگ افغانینی حویلی کراسی، مسافرلر خرجتی و مبل ساتیب آلیش نامیده تالان قیلگن. عین حالده، 92- مالی ییلنینگ 7- رقملی مصوبهسینی 20 مادهسی دولتی ادارهلر ایشلاوچیلری اوچون یشش بِناسی اجاره آلیشینی منع قیلگن.
بونگه قوشیمچه، جناب نظری وظیفهیی صلاحیتلریدن فایدهلنیب درسینی دوام بیریش اوچون ایکی ییلینی هندگه کیچیرگن بدخشان بیلیم یورتینینگ اداری اورین باسری فیضانالحق گه امتیازی حقوق بخشش قیلگن و بو موضوع ملکی خذمتلر ایشلاوچیلرینینگ ذاتی ایشلر مقررهسینی 10 مادهسی و 4- بندی گه قرشی وظیفهیی صلاحیتلردن سوءاستعمال ایتیلگنینی کورستهدی. ایسلنگن بند ده کیلیشیچه: «ملکی خذمت ایشلاوچیلریدن بیری تحصیل یا-ده اوقیش اوچون بیر ییلدن آرتیق باشقه بیر ییرگه کیتگن چاغیده، اونینگ بستی اعلان گه قوییلیشی کیرهک.»
بدخشان بیلیم یورتینینگ باشلیغی، سلاموطندار خبرچیسی بیلن علاقه قورگن چاغیده، جوده ایسیق احواللشگنیدن سونگ، جدی سوراقلر و عیبلاولرگه روپهره بولگن چاغیده، هیچ بیر جواب بیرمسدن تلیفون علاقهنی کیسهدی.
بدخشاننینگ بیلیم یورتی ایچیدن بولگن منبع گه کوره، جناب خسرو نظری معتمدلریدن بیرقطارینی جایلشتیریب فساد و خویشخورلیکنی کتمان قیلیش اوچون سعی و حرکت قیلهدی. مدرکلردن بیر قسمی احمدجاوید واثقنینگ فسادی، وظیفهیی صلاحیتلریدن سوءاستعمال قیلگنی، تالان قیلیشی، شخصی ایشلریگه دولتی امکانیتلردن فایدهلنیشی و اخلاقی فسادینی فاش ایتهدی و جناب واثق ایسه نظرینینگ یقینلریدن دیر. جناب واثق، 12- صنفدن فارغ بولگن؛ عین حالده، جناب نظرینینگ حمایتی بیلن بدخشان بیلیم یورتینینگ انسانی منبع آمری صفتیده تعیین ایتیلگن و آیلیک حقوقی یانیده، امتیازی حقوق هم آلهدی.
بو ییرده سوراق توغیلهدی، بدخشان بیلیم یورتی ایشلاوچیلرینینگ 80% دن آرتیغی ماسترلیک آلگن بیرچاغده، انسانی منبع آمری 12- صنفدن فارغ بولیشی قندهی بولهدی؟
جناب واثقنینگ پارهخورلیک، ینگی تعیین ایتیلگن ایشلاوچیلرنینگ بیر آیلیک حقوقینی آلیشگه، عیال ایشلاوچیلر، اوقیتووچیلر و شونینگدیک، اوقووچی قیزلرنینگ جنسی زورلش، بیلیم یورت امکانتیدن سوءاستعمال قیلیش، عدالتسیزلیک شکلده اضافهکارلیکنی ترقهتیش، غیرحاضرلر بیلن ایکی تامانلمه حرکت قیلیش و بیلیم یورتنینگ اجیر ایشلاوچیلریدن 5 تهسینی اوز اوییده ایشلهتیش گه آچیق قولی بار. بو عیبلاولر «بدخشان بیلیم یورتینینگ درسی و اداری ایشلاوچیلرینینگ عرض ورقهسیده» کیریتیلگن.
عین حالده، اضافهکارلیک حقوقی ترقهتیلیشی توغریسیده عالی اوقوو وزیرلیگی تامانیدن بدخشان بیلیم یورتی گه یوباریلگن 2180 رقملی مکتوبده اورغولنیشیچه، «ایشلاوچیلرنینگ اضافهکارلیگی ایلگریدن ریاستلرگه یوباریلگن متحدالمال اساسیده، اجیرلر و ایشلاوچیلرنینگ آیلیگی 10% چیکلاو اساسیده، تنظیم ایتیلیشی لازم.»
بدخشان بیلیم یورتینینگ ریاستی، انسانی منبع آمری احمدجاوید واثق گه قرشی تدریسات و اداری ایشلاوچیلرنینگ عریضهلری و شکایتلریگه جواب، اونینگ علمی تدقیقات و اوقیتووچیلر ایشلری آمر صفتیده تعیین قیلیش گه قرار قیلهدی و اونگه اکادمیک محیطده جنجل چیقاریش و سلیقهیی حرکتلردن قول تارتیشی اوچون «کتبی توصیه» قیلگن.
بیراق، احمدجاوید واثق برچه عیبلاولرنی رد قیلیب ایتیشیچه، بدخشان بیلیم یورتینینگ سابق ایشلاوچیلریدن بیرقطاری، اونگه قرشی دسیسه قیلهدیلر.
عین حالده، عالی اوقوو وزیرلیگی بدخشان بیلیم یورتیده موجودلیگی توغریسیده هیچ نرسه دیمهیدی، بیراق بدخشان بیلیم یورتیدن ایریم شکایتلر بو وزیرلیککه ییتیشگنینی تَن آلهدی.
عالی اوقوو وزیرلیگینی سوزلاوچیسی احمدضیا ساحلنینگ ایتیشیچه، سلاموطندارنینگ تدقیقات بولیمی خبرچیسی علاقه قورگنیدن سونگ، بدخشان بیلیم یورتیده فساد و خویشخورلیک موضوعی وزیرلیک رهبرلیگی بیلن شریک قیلگن و وزیرلیک رهبرلیگی بدخشان بیلیم یورتی گه هیأت یوباریلیشی توغریسیده بویروغ بیرگن. جناب ضیاگه کوره، تیزلیکده هیأت بدخشان بارهدی و تیکشیروولر نتیجهسی اهالی بیلن شریک قیلینهدی.
