میدان وردک ولایتینینگ محلی بلند مرتبهلی رسمیلری، کابل – بامیان عمومی یولیده اوتگن ایکّی کون ایچیده قوراللی طالبلر 25کیشینی اوغیرلهگن دیگنلر.
ولایت والیسینینگ سوزلاووچیسی عبدالرحمانمنگل، مذکور یولاوچیلر جلریز تومنینینگ ارهلیغیده جایلشگن قیشلاقلرده اوغیرلنگنلر دیگن. یولاوچیلرنینگ تقدیری هنوزگچه معلوم ایمس دیدی ولایت والیسینینگ سوزلاوچیسی.
جنابمنگل، اوتگن کون کیچکی وقتده بهسود تومنیده ایکّی کیشی دَرکسیز یوقالگن دیگن. اونینگ سوزلریگه کوره، اوغیرلگنلردن فقط بیشتهسی محل قوم بویوکلری همده آق سقاللر واسطه چیلیگی بیلن آزاد ایتیلگنلر.
حکومتنی تنقید آستیگه آلگن میدان وردک یشاووچیلری، سونگی اوچ آیدن بیری کابل – بامیان و کابل – قندهار یولی کوتیلمهگن درجهده وضعیتی بوزیلگن دیگنلر. لیکن، مساله اوچون هنوزگچه تیگیلشی ادارهلر اونچهلیک اعتبار بیرمهگن لیگی تیلگه آلینهدی.
