افغانستان عدلی بیلیم خذمتلر تشکیلاتی بامیان مرکزی عیساخان دشتیدن بیر عامهوی قبر تاپیلگنیدن خبر بیرگن. مذکور اداره رسمیلریگه کوره، قبرستان یقینلریدن قولگه کیلگن آثارلرگه کوره، عامهوی قیرغین 1358- ییللرده بولگنلیگینی کورستهدی.
مذکور نهاد باشلیغی محمداشرف بختیاری نینگ بیاناتیگه کوره، بو قبرجسدلریدن 7 تهسی تیکشیرووگه بیریلگن و تیکشیروو اساسیده بولر برچهسی ایرکک و 16 دن 70 یاشگه قدر بولگنلر اوشبو موسسه رسمیلری مملکتده عامهوی قبرلر بوزیلیب کیتیشیدن خواطر بیلدیریب، عامللر بیلن قانونی برخورد بولیشینی ایستهیدیلر.
اولرگه کوره، بامیان مرکزیده سونگی تاپیلگن عامهوی قبر نابود بولیش عرفهسیده قرار تاپگن. بیراق بامیان حاکمی محمدطاهر زهیر بو عامهوی قبر بوزیلیش مسألهسینی رد قیلیب ایتیشیچه، مذکور قبر نشانهلریدن 8 ییل اوتهدی، لیکن محلی رسمیلر کیشیگه بو قبرلرنی یوقاتیش اجازهسینی بیرمهگن. شونینگدیک بینالمللی بشر حقلر تشکیلات داکترلری نینگ ایتیشلریچه، افغانستانده عامهوی قبرلر کوپ سانده تاپیلهدی، بیراق بولردن انیق سان قولده ایمس.
بینالمللی بشر حقلر تشکیلاتی داکترلری مدیری استیفن اشمیت نینگ ایتیشیچه، بو اداره هدفلریدن بیری مسلکی تیم ایجاد ایتیب عامهوی قبرلرنی تثبیت قیلیش بولگن و میلادی 2002 دن حاضرگه قدر جوزجان و کابل نینگ پلچرخی سیدن ایکی عامهوی قبرنی تیکشیرگنلر.
بینالمللی بشر حقلر تشکیلاتی داکترلری افغانستانده بشرحقلری کمیسیونی تامانیدن بولر تیار قیلگن گزارش ترقهتیلیشینی ایستهیدیلر، مذکور گزارش ترقهتیلگن صورتده، اوتمیش بشری جنایتلر اوستیدن پرده کوتریشگه یاردم بیرهدی.
