ملی بیرلیک حکومت اجراییه باشلیغی عبدالله عبداللهنینگ ایتیشیچه، حزبالتحریر یاشلرنی تربیهلب و اولرنی افغانستان خلقی و تیزیمگه قرشی عصیانچیلیک فعالیتلرنی عملگه آشیریش خصوصیده آلقیشلهیدی.
اجراییه باشلیغی، مذکور گروه فعالیتلری توغریسیده خواطر بیلدیریب ایتیشیچه، اوشبو حزبنی اصلی شکاری اوسمیرلر و اینیقسه بیلیم یورت اوقووچیلری دیر. جناب عبداللهگه کوره، حزبالتحریر اساسده سیاسی حزب ایمس، بلکیم سیاسی حزبلر آتیدن فایدهلنیب، منطقه مملکتلری و اینیقسه افغانستانده تروریستی فعالیتلرینی عملگه آشیرهدی.
اجراییه باشلیغیگه کوره، امنیتی کوچلر هیچقچان حزبالتحریر فعالیتیدن خبر سیز بولمهگن، بیراق حاضرگه قدر مذکور حزبنینگ قیلگن ایشلری و فعالیتلری خصوصیده، بی فرقه یاندهشیب، چاره تدبیر کورمهگن. لیکن وزیرلر کینگشی، امنیتی ادارهلر همکارلیگیده، مذکور حزبنینگ بوزغونچیلیک فعالیتلری و فکرلریگه قرشی کورهشیش خصوصیده، ریجه تیارلشگه قرار قیلگن.
انچه پیت آلدین، ننگرهار بیلیم یورتی اوقووچیلریدن بیرقطاری، اوقووچیلیک آیلیکلری تولنمهگنی خصوصیده ناراضیلیک بیلدیریب، بیلیم یورت دروازهسینی یاپیب و طالبلر بیلن داعش گروهی بیرقلرینی کوتریب، دولت و دموکراتیک تیزیمگه قرشی شعار بیرگندی.اولر سیاسی تیزیم اوزگریشینی سورهب و شعارلریگه اسلامی امارت اجتماعی خلافتی و سیاسی تیزیمیدن حمایت بیلدیرگنلر.
شونینگدیک بوندن آلدین، افغانستان تحقیقی و تیکشیروو جمغرمهسی (AREU ) بیر گزارش ترقهتیب ایتیشیچه، حزبالتحریر فعالیتلری مملکت لیسه مکتبلریده کینگ شکلده دوام ایتماقده و عصیانچی گروهلر و حزبلر یاشلر ایچیده نفوذ قیلگن.
اوشبو تحقیق زابل، کندهار، هلمند، غزنی، پکتیا، لوگر، وردک، کابل، کاپیسا، پروان، تخار، کندز، بغلان، بدخشان، بلخ، هرات، کنر، لغمان و ننگرهار ولایتلریده عملگه آشیریلگن. بو جملهدن ایکی ولایت تخار و قندوزده کوپینچه اوقوتووچی و اوقووچیلرنی تربیهلهگن.
