پکتیا یشاوچیلریدن بیرقطارینینگ ایتیشیچه، کم سوولیک باعث اوشبو ولایتده بولگن سوو ذخیرهلری و چقور قودوقلرنینگ سووی قوریگن و اوتکن ییللرگه قرهگنده ایکینچیلیک محصولاتلرهم کمهیگن.
پکتیا ولایتی زرمت تومنینینگ یشاوچیلریدن بیری نعمتالله نینگ سلاموطندارگه ایتیشیچه، اوتکن ییللرده 10 جریب ییردن 6 خروار بوغدای قولگه کیلتیرهریکن؛ بیراق کم سوولیک باعث جاری ییلده تورت یریم خروار بوغدای قولگه کیلتیرگن.
گردیز شهرینینگ یشاوچیلریدن بیری شمسالله نینگ ایتیشیچه، بیر قیشلاقده 7 چقور قودوغنینگ سووی قوریگن.
پکتیا ایکینچیلیک اداره باشلیغی ولیداحمد تسلنینگ اوشبو اداعالرنی تصدیقلب ایتیشیچه، کم سوولیک باعث ایکینچیلیک محصولاتلر کمهیگن.
جناب تسلنینگ ایتیشیچه، یامغیر سوویدن ذخیره قیلیش طرحینی قولگه آلگن و اوشبو طرح عملی بولگن صورتده، ییر آستی سووی کوپهیب و سوونینگ اصراف ایتیلیشیگه توسیق ایتیلهدی.
عینحالده، پکتیا ولایتینینگ یشش محیطنی سقلش اداره مسووللرینینگ ایتیشیچه، یامغیرنینگ یاغمهگنی چکهسیده چقور قودوق قازیلیشلر ییر آستی سووینینگ کمهیگنیگه سبب بولگن.
باشقه تاماندن چقور قودوق قازیش شرکتلر مالکلرینینگ ایتیشیچه، باشقه ییللرگه قرهگنده مشتریلری کوپهیگن.
