.jpg)
قندوز والیسی اسدالله عمرخیل نینگ ایتیشیچه، ولایت دشت ارچی تومنیده بیر دینی مدرسه خودکش هجوم فنلری، بمب توزهتیش، ماین اورنهتیش و پارتلش مادهلر توزهتیش مرکزی تانیلگن.
قندوز محلی رسمیلری نینگ معلوماتیگه کوره، بو مدرسه بیر ییلدن بیری مملکت بویلب یاش ییگیتلرنی اسلام دینی نامیده تبلیغ قیلیب عصیانگرچیلیک عملینی بجریشگه چقیرر ایکن.
جناب عمرخیل نینگ معلوم قیلیشیچه، بیرهفته آلدین قندوز ولایتی نینگ امنیتی و کشفی نهادلری، بو مدرسه نینگ بارلیگیدن خبر بولگنلر. بوندن آلدین، دشت ارچیده اوشبو مدرسه فقط اعتبارلی دینی و مذهبی کتابلر اورگه تیلهدی و عصیانچی گروهلر جملهدن قندوز طالبلری بیلن علاقهده ایمس دیب توشینردیلر.
قندوز والیسیگه کوره، دشت ارچی دینی مدرسهسیده 300 گه یقین اوقووچیسی بار. اما بو اوقووچیلر برچهسی افغانستاندهگی القاعده شبکهسی اعضالریدن مولوی جنتگل و قندوزده طالبلر تامانیدن والی ناملنگن ملا سلاملر سرپرستلیگی بیلن تربیهلنیب کیلماقدهلر.
شونینگدیک پاکستان جاسوسلیک تشکیلاتی مأمورلریدن «عمران» ناملی شخص هم مدرسه ده یاش ییگیتلرگه پارتلش واسکتلری و بمب اورنهتیش فنلرینی اورگهتیش اوچون کیلگن.
ایتیلیشیچه، قندوز ولایتینینگ سونگی امنیتی وضعیتی یمانلشی بیلن پاکستاندن عمران قندوزگه کیلگن.
.JPG)
سونگی نیچه کون ایچیده 4 کیشی 15 دن 17 یاشده بولگن یاش ییگیتلر دشت ارچی تومنیدهگی مدرسهده اوقیش نیتیده کیلگن ایکن، ملی امنیت ایشلاوچیلری واسطهسی بیلن قولگه آلیندیلر. بو تورت یاش ییگیت کابل قرهباغ تومنی یقینیده ایرلشگن میاگلجان آغا دینی مدرسهسیده خودکش هجوم فنلرینی اورگنیشی بیلن دشت ارچی تومنیدهگی یاش ییگیتلرگه عصیانچیلک فنلرینی اورگتیش نیتیده کیلگن ایکنلر.
اوتگن ییلی قندوزنینگ سابق والیسی محمدعمر صافی هم قندوزده عصیانگرچیلیک کوپهیشی بیلن دشت ارچی تومنی جنگری طالبلر، جندالله و داعش نینگ تدارکاتی و اورگهتیش مرکزیگه اوزگرگن لیگینی بیلدیرگن ایدی.
محلی رسمیلرنینگ بیلدیریشیچه، شو حاضر دشت ارچی تومنینینگ 80 فایزی جنگری طالبلر ادارهسیگه اوتگن.
