افغانستان بوییچه ساغلیقنی سقلش وزیرلیگی نینگ اعلان قیلیشیچه، مملکت ده کرونا ویروسی گه چلینگنلرنینگ سانی 423 کیشی گه ییتیشگن. اوشبو وزیرلیک که کوره، اوتگن 24 ساعت جریانیده هرات، کابل، قندهار، بلخ و ننگرهار ولایتلریده کرونا ویروسی دن باشقه 56 ایجابی واقعه رویخط گه آلینگن.
ساغلیقنی سقلش وزیرلیگی سوزلاوچیسی وحیدالله مایارگه کوره، اوتگن 24 جریانیده هرات ده 27 کیشی، کابل ده 12 کیشی، قندهار ده 10 کیشی، بلخ ده 5 کیشی و ننگرهار ده 2 کیشی کرونا ویروسی گه چلینگن.
کرونا ویروسی گه چلینگنلرنینگ سانی جاری هفته باشلنگنیدن بویان ایکی برابر بولگن. هرات ولایتی ایران بیلن چیگرهداش بولگنی و مملکت ده اوشبو ویروس نینگ اصلی مرکزی صفتیده، چلینگنلردن کوپینچهسی گه گواه بولگن.
ساغلیقنی سقلش وزیرلیگی تامانیدن بیریلگن گزارش گه کوره، حاضرگهقدر اوشبو ویروس گه چلینگنلرنینگ رقمی 423 کیشی گه ییتیشگن و بو آرهدن 11 تهسی جان بیرگن.
اوتگن کون «دوشنبه» کیچ قورون ساغلیقنی سقلش وزیرلیگی نینگ ایتیشیچه، کرونا ویروسی گه چلینگنلردن حاضرگهقدر 18 تهسی ساغهییب و کسلخانهلردن رخصت بیریلگن.
افغانستانده اوشبو ویروس کینگ شکلده رواجلنگنی باعث، ساغلیقنی سقلش وزیرلیگی یشاوچیلردن اویده قالیب و بو ویروس نینگ رواجلنیشی گه توسیق بولیشلرینی طلب قیلدی. کابل، هرات و ننگرهار قرنطین جریانی بیر آز رعایت قیلینگن ولایتلردن دییلهدی.
