بامیان خوفسیزلیک منبع‌لری، مذکور ولایت نینگ «نمبر یک یکاولنگ» تومنیده بیر قیز هلاک ایتیلگنیدن خبر بیریشگن.
اوشبو منبع‌لرگه کوره، مذکور 21 یاشر قیز بامیان بیلیم‌یورتی زمین‌شناسلیک فاکولته‌سی نینگ جغرافیا بولیمی‌ده ایکینچی تحصیل ییلی نی بیتیرگنیدن کیین، قیش تعطیلی اوچون مرکز تومنیده‌گی اویی تامان بارگن ایکن، بیراق اوتگن کون اونینگ جسدی سِرلی شکلده محل یشاوچیلری آرقه‌لی توپراققه قوییلگن.
بامیان جنایی پولیسی مسئوللریدن بیری آتی فاش ایتیلیشی نی ایستمه‌ی سلام‌وطندارگه ایتیشیچه، محل یشاوچیلری جسد نی توپراققه قویه‌دیگن بیر چاغده جنایی پولیسی محل ده ییتیشگن، بیراق پولیس جسد نی تیکشیریش اوچون تومن مرکزی «نیک» کسلخانه‌سیده انتقال بیرگن.
منبع گه کوره، جسد تیکشیریله‌دیگن بیرچاغده منطقه یشاوچیلری تاش و چوب بیلن پولیس‌لرگه هجوم قیلگن و نهایتده جسد دفن قیلینگن.
مذکور منبع‌لرگه کوره، حادثه انیق‌لنیشی اوچون جنایی پولیس تدقیقاتی نینگ دوامی بار، بیراق محل یشاوچیلری جنایی پولیس گه بو قیز خودکش‌لیک قیلگنیدن سوز یوریتگن.
شونینگدیک بامیان عیاللر ریاستی باشلیغی ذکیه رضایی نینگ ایتیشیچه، مذکور قیزنینگ جسدی عدلی طب آرقه‌لی تیکشیریلمه‌سدن توپراققه تاپشیریلگن و مذکور قیز خودکش‌لیک قیلگنی یا-ده بیرار کیشی آرقه‌لی اولدیریلگنی حاضرگچه بیللی بولمه‌گن.
بامیان عیاللر ریاستی باشلیغی مذکور ولایت پولیسی‌دن، بو قضیه سببی بیللی بولیشی نی سوره‌گن.
شونینگدیک، کمیده ایکی هفته آلدین بامیان ولایتی ورس تومنی نینگ سرخ‌جوی قیشلاغیده، 8 یاشر بیرقیز دهشت‌لی شکلده قتل ایتیلدی کیم اونینگ جسدی آغیل‌دن تاپیلگن ایدی.
