افغانستان انسان حقلری کمیسیونی، قویاش 1396- ییلده عیاللرگه قرشی قضیهلر توغریسیده ایرکین بیر تدقیقات جریانیده 1530 عیال بیلن سوزلشگن و بو جملهدن 1307 عیال تورلی قضیهلرگه دوچ کیلگنلرینی تصدیقلگن.
اوشبو تدقیقاتده عیاللر 3888 تورلی قضیه توغریسیده صحبت قیلگن و عامللری 19 دن 25 یاشرگچه بولگن یاشلر دییلگن.
عیاللرگه قرشی قضیهلردن 57.3% اپتاللر و حزللر، 7.7% جنسی علاقه سورهش، 24.6% سوکیش و اهانت، 38.3% توقنشماق، 36% سیسلنماق، 34.1% بوغ اوریب و موترگه مینیشینی ایستهماق، 42.9% کوز قاقماق، 1.8% جنسی ایستکلرینی قبول قیلدیرماق اوچون عایله آرقهلی تهدید قیلماق، 4.4% جنسی ایستکلرینی تَن آلدیرماق خصوصیده، کوچه و بازارده تهدید ایتماق و 2.4% جنسی نیت بیلن قول اورماق و اخلاقسیز صورت و پیام یوللماقدن عبارت بولگن.
اوشبو گزارشده باشقه 32.7% فیزیکی زورهوانلیک هم رویخطگه آلینگن.
عین حالده، انسان حقلری کمیسیونی، ولایتلرده صحرایی محکمهلر کوپهیگنیدن خبر بیریب و سببینی قانون حاکمیت سیزلیگی دییدی.
دیمک جاری ییلده مذکور کمیسیون گه مراجعت قیلگنلر میزانی، اوتگن ییلگه نسبَتن 11.7% کوپهیگنینی کورستهدی؛ بیراق انسان حقلری ایرکین کمیسیون باشلیغی سیما سمرنینگ ایشانچی گه کوره، قربان بولگن عیاللر رقمی بیریلگن رقم دن کوره آرتیق دیر و کوپینچه ولایتلرده مذکور کمیسیون گه عیاللر قول تاپه آلمهگنی سبب، عیاللرگه قرشی زورهوانلیکلر بوتونلهی بو کمیسیونده رویخطگه آلینمهگن.
عیاللرگه قرشی زورهوانلیکلر، اپتاللر، حزللر و خواطرلر باعث، کوپینچه عیال روحی تینچلیگینی قولدن بیریب مکتب، بیلیم یورت و ایش ییرینی ترک قیلیشگه قول اورگنلر.
