تینچلیک عالی کینگشی بو خبرنی تصدیقلب، بو ییغین ایکینچی کونیگه ییتگنینی ایتیب، بیراق رسمی ییغین بولمه گن دیدی اسلامی حزب ملازملری هم بویوک اعضالری قتنشگنینی ایتیب، بیراق اسلامی حزب تمانیدن رسمی شکلده یوباریلمه گن دیدی.
تینچلیک عالی کینگشینینگ تشقی اولکهلر بوییچه مصلحتچیسی اسماعیل قاسمیارنینگ سلاموطندارگه ایتیشیچه طالبان بیلن حکمتیار رهبرلیگیده بولگن اسلامی حزب ارهسیدهگی سوزلهشوو ایکینچی کونیگه ییتگن. قاسمیار، اسلامی حزب صلاحیتلی وکیلی همایون جریر بو ییغنده قتنشگن دیدی. انهشوحالده او ترکیه اولتیریشی رسمی بولمهگنینی ایتماقده.
قاسمیار تینچلیک عالی کینگشینینگ قتنشگن وکیلی حقیده هیچ نرسه دیمهگن؛ بیراق او بو اولتیریشلردن خوشلیک بیلدیرهدی.
اسلامی حزب سوزچیسی نادر افغان، مذکور ییغنده بو حزب وکیللری بارلیگینی تصدیقلب؛ بیراق بو ییغین اسلامی حزب چقیریغی بیلن بولمهگنینی ایتماقده.
بیر قطار سیاسی بیلمدانلر بو ییغنلر حقیده تورلی خیل فکر بیلدیره دیلر.
سیاسی کوزه تووچیلردن نظرمحمد مطمئننینگ سلاموطندارگه ایتیشیچه، بوکبی ییغینلر آلینشینینگ ایجابی نتیجهسی یوق. بیراق محب الله شریف بوکبی ییغنلر کیرهکلی دیب بیلهدی.
نیچه مدت آلدین گلبدین حکمتیار، ترکیه گه سفر قیلگن ایدی. ایتیلیشیچه او بو سفرده ترکیه رسمیلریگه طالبلر بیلن تینچلیک حقیده کیلیشیش حقیده صحبت قیلگن و شوجریانیده طالبان وکیللری بیلن قورگن علاقهلرهم تاثیرلی بولمهگنی ایتیلهدی.
