.jpg)
افغانستان بویوک ملی ائتلافینینگ اعضالریدن بیرقطاری، نیچه کون آلدین ناراضیلیک بیر نمایش یولگه قوییب اوچ ولایتده سیلاولر ایرکین کمیسیونی ولایتی دفترلرینینگ دروازهلرینی باغلب آگاهلنتیریشیچه، سیلاولر ایرکین کمیسیونی و حکومت اولرنینگ سیلاولر جریانیده شفافیت تأمین ایتیلیشی و آواز بیرووچیلر بایومتریک سیستمهسی آرقهلی رویخطگه آلینیشی توغریسیده بولگن ایستکلریگه دقت قیلمهگن صورتده، ناراضیلیکدن قول تارتمهیدیلر.
بوگون «دوشنبه» وزیرلر کینگشیده نطق سوزلهگن اجراییه باشلیغی عبدالله عبدالله نینگ ایتیشیچه، نیچه ولایتده سیلاولر کمیسیونینینگ دفترلرینی باغلش سیلاولر تنیقلیگی تأمینلنیشی خصوصیده، هیچ قندهی یاردم بیرمهیدی.
اجراییه باشلیغی گه کوره، سیلاولر کونیده آواز بیرووچیلرنینگ برماقلریگه تیکلش خصوصیده، ایریم ایشلر عمل گه آشیریلگن و بو موضوع توغریسیده سیاسی حزبلر تامانیدن بیران ملاحظه بولگن صورتده، اولر حکومت و سیلاولر کمیسیونی بیلن مذاکره قیلیشلری کیرهک.
بوگون کابلده خبری ییغینده سیلاولردن نظارت قیلیش ادراهلرنینگ جمغرمهسی، سیلاولر کمیسیونینینگ ایشیگی سیاسی حزبلر تامانیدن باغلنگنیدن خواطر بیلدیریب ایتیشیچه، بو ایشلر سیلاولر یولگه قوییلهدیگن تاریخی گه تاثیر تشلهیدی.
.jpg)
بو جمغرمه آوازبیریش کونیده توغری مدیریت بولمهگنی، آوازلرنی سنهش، و کمیسیون تامانیدن سواللرگه توغری جواب بیریلمسلیگی توغریسیده خواطر بیلدیرگن.
سیلاولردن نظارت قیلیش ادراهلرنینگ جمغرمهسی نی ایشانچی گه کوره، حزبلر، حکومت و سیلاولر کمیسیونی سیلاولر یولگه قوییلیشی اوچون قوشمه ایش قیلمهگن صورتده، فاجعه ایجاد ایتیلیشی گه زمینه یرهتیلهدی.
شونینگدیک سیلاولردن نظارت قیلیش ادراهلرنینگ جمغرمهسی بیرلشگن ملتلر تشکیلاتیدن حزبلر، حکومت و سیلاولر کمیسیونی بیلن صحبت اوتکزیب و برچه گه قانیقرلی بولهدیگن بیر مکانیزم ایجاد ایتیشی نی سورهگن.
