هرات ولایتیده خوفسیزلیک کوچلریدن حمایت قیلینیشی اوچون بیرینچی صورت کورگزمهسی یولگه قوییلدی.
اوشبو کورگزمهده 60 دن آرتیق صورت نمایش گه قوییلگن و بو صورتلر ایسه خوفسیزلیک کوچلرینینگ کوندهلیک فعالیتلری، کورهشلری و عصیانچیلرگه قرشی اوروشلرینی کورستهدی.
هرات ولایتیده محلی ارگانلر ادارهسی نینگ مردمی حمایتلر دفترینی مسؤولی غلام حضرت مشفق، اوشبو کورگزمه یولگه قوییلیشیدن مقصد، خوفسیزلیک کوچلری نینگ تینیمسیز فعالیتلریدن حمایت قیلیش دیگن.
جناب مشفق گه کوره، بوندهی کورگزمهلر یولگه قوییلیشی اوروش میدانیده خوفسیزلیک کوچلرینینگ روحیهسی کوتریلیشی گه سبب بولهدی.
شو توغریده..
کابل جادهلریده «قهرمانلر کورگزمهسی»
اوشبو کورگزمه آچیلیش چاغیده هرات حاکمی عبدالقیوم رحیمی نینگ ایتیشیچه، هر بیر حالتده خوفسیزلیک کوچلری نینگ فعالیتلریدن حمایت قیلهدی.
یولگه قوییلگن کورگزمهنی خوش قرشیلگن هرات خوفسیزلیک رسمیلرینینگ ایتیشیچه، بوندهی کورگزمهلر یولگه قوییلیشی خوفسیزلیک کوچلری نینگ انگیزهسی کوپهییشی سبب بولهدی.
اوشبو کورگزمهدن کوریب چیقهدیگنلر خوفسیزلیک کوچلری کوپراق حمایت قیلینیشی اوستیگه تأکیدلب و حکومت دن خوفسیزلیک کوچلری قربانلرینینگ عایلهلرینی وضعیتی گه جدی شکلده دقت قیلیشینی سورهگن.
