تخار ملی خوفسیزلیک ریاستی اوچون ملی خوفسیزلیک قارهلاوچیلیگی تامانیدن صادر ایتیلگن مکتوبده کیلیشیچه، ناراضیلیک نمایشلرده اتفاقسیزلیککه سبب بولیب، مملکت بیرهقی و نشانهلریگه حرمتسیزلیک قیلگن کیشیلرنینگ ایشلری، ملی خوفسیزلیککه قرشی بولیب و ملی خوفسیزلیککه زیان ییتکیزهدی.
قارهلاوچیلیکنینگ جزا کدی 256- مادهسیگه اساس یازیشیچه، مذهبی، نژادی، قومی و تیل اتفاقسیزلیکلریگه قول اورگنلر یا-ده باشقهلرنی بو ایشگه چقیرگنلر، اورته حبسگه محکوم دیر.
اوشبو مکتوبده ایتیلیشیچه، سونگی کونلرده یشاوچیلرنینگ بیرقطاری تامانیدن بولگن حرکتلر قانون گه قرشی بولگن و بوندهی حرکتلر توغریسیده کوز یومیش بوندن سونگ، کیچیریم سیز دیر و بوندهی حرکتلرگه قرشی حرکت قیلینیب و یا-ده آلدی آلینیشی لازم. عین حالده، اساسی قانون توپلملر و اعتراضلرنی اهالینینگ حقی دیب بیلهدی.
تخار ولایت کینگشی اعضاسی و کیملیکدن مدافعه قیلووچی اعتراضچیلردن بیری عصمت قربانینینگ ایتیشیچه، ناراضیلیک اهالینینگ حقی دیر و ملی خوفسیزلیک قارهلاوچیلیگینینگ بو ایشی قانون گه قرشی دیر.
قربانینینگ ایتیشیچه، قارهلاوچی اهالی گه اهانت قیلگن و اهالی بو موضوع توغریسیده تینچ تورمهیدی.
باشقه تاماندن، سلاموطندارگه صحبت بیرگن باش قارهلاوچیلیک سوزلاوچیسی جمشید رسولی، تخار ملی خوفسیزلیک قارهلاوچیلیگی تامانیدن صادر ایتیلگن مکتوب نی تصدیقلیدی؛ بیراق ایتیشیچه، بو مکتوبدن مقصد، یشاوچیلرنینگ مدنی ایرکینلیکلری و حقلرینینگ آلدی آلینیش ایمس، بلکیم امنیتی بولیملرنی آگاهلنتیریش بولگن.
رسولی گه کوره، مملکت باش قارهلاوچیلیگی و ولایتلردهگی قارهلاوچیلیکلر، یشاوچیلرنینگ مدنی ایرکینلیکلری و حقلریدن حمایت قیلهدی و بو ایرکینلیکلردن فایدهلنیش یشاوچیلرنینگ حقی دیر.
