خاتین قیزلر وزیرلیگی «خاتین – قیزلر ایش محیطی یولیده توسیقلر تحلیلی» ناملی گزارشنی نشر قیلدی. بو گزارشده خاتین – قیزلرنینگ ایش محیطی یولیدهگی توسیقلر، معمالر و قیینچیلیکلری اورگهنیلگن.
خاتین قیزلر وزیرلیگی نینگ گزارشیده حاضرده محلی ارگانلر ادارهسیدن باشقه هیچ بیر وزیرلیک، اداره و گزارشگه شامل بولگن ادارهلرده خذمت قیلهدیگن خاتین – قیزلر جنسی تعقیب بولیش آلدینی آلینیشی اوچون معین لایحهلری یوق دییلگن.
گزارشده ایش و اجتماعی، ناگرانلر وشهیدلر وزیرلیگی 60% عیال ایشلاوچی، عیاللر وزیرلیگی 40% معارف وزیرلیگی 30% خاتین – قیز ایشلاووچی بیلن تشکیلاتلریده اینگ کوپ عیاللر بولگن وزیرلیکلر ایکنلیگی یازیلگن. اوشبو رویخطده ایکینچیلیک وزیرلیگی 4%، مخدر مادهلرگه قرشی کورهش و عدلیه وزیرلیگی 6.6% اینگ کمدن – کم عیال ملازمی بولگن وزیرلیکلردن جملهسیدن.
54 دولت ادارهسی ( 26 وزارت و 28 مستقل اداره) ناحربی ملازملرنینگ 22%نی خاتین – قیزلردن عبارت ملازملر تشکیل ایتهدی و بولرنینگ فقط 9% رهبرلیک لوازملرده ایش قیله دیلر.
گزارشده افغانستان دولت ادارهلریده ایش قیلهدیگن 26% خاتین – قیزلر رهبرلیک اوچون زمینه بولمهگن لیگی، 23% ملازملر تانیش –بیلیش اساسیده ایشگه آلینیشی، 12 % ایش محیطیده تعقیب بولیشلری،11% تحصیل سویهسی قویی بولگنلیگی، 9% ادارهلریدهگی میش – میشلر و4% هم ایرکک و عیاللر ایش ییری بیر بولگن لیگیدن شکایت ایتگنلر.
شونینگدیک اوشبو عمومی سوراوده 28%عیاللر ایش محیطیدهگی چیکلاولر و 22% ایسه اوزلریگه نسبتن حکومت ادارهلریده سلبی فکرلر بارلیگی باشقه بیر توسیق حسابلنهدی دیگنلر. 16% خیابانلر و ایش محیطیده تعقیب بولیش و 14% ایسه معاشلری کم بولگن لیگی حکومت ادارهلریده ایشلشلری اوچون ینه بیر عامل حسابلنهدی دیگنلر.
سوراوده قتنشگنلردن 22% جنسی تعقیب بولیش بولیمیده ایجابی جواب بیرگنلر، 44% سلبی و 33% ایسه سوراقلرگه جواب بیرمهگنلر. بولردن 22% نینگ ایتیشیچه، بویوکلریمیز و همکارلریمیز تامانیدن جنسی زوروانلیکلرگه عاید گزارش آچییقلگن حالده، ادارهدن چیقاریله دیلر یا –ده دوسیهلریگه انصافسیزلیک بیلن یانده شیلهدی.
گزارشده کیلیشیچه، ملکی حذمتلر قانونی اساسیده ایشگه آلیش، ایش لایحهسیده نظارت بولیشی یولیدهگی معمالر، ایشگه آلیش صلاحیتگه ایگه کمیتهلرده عیاللردن بولمهگن لیگی دولت ادارهلریده خاتین – قیزلر کملیگی اوچون جدی توسیقلردن بولگن.
بو گزارش 178 کیشی اوستیدن اوتکزیلگن صحبت اساسیده تیارلنگن و بولردن 141تهسی خاتین – قیزلر بولگن.
