افغانستانلیک قاچقینلرنینگ ایران حربیلری تامانیدن دینگیزگه تشلهنیشی خصوصیده، اوشبو مملکت رسمیلری افغانستان حکومتی تامانیدن یوباریلگن هیاتگه یاردم بیرمهگن.
نمایندهلر کینگشی عضوی و حکومت تامانیدن یوباریلگن هیات عضالریدن بیری عبدالستار حسینی نینگ سلاموطندارگه ایتیشیچه، ایران رسمیلری افغانستانلیک قاچقینلرنینگ ایران حربیلری تامانیدن دینگیزگه تشلهنگنی خصوصیده، صحبت قیلیشگه حاضر بولمهگنلر.
جناب حسینیگه کوره، افغانستان تشقی ایشلر وزیرلیگی ایران رسمیلری اوستیگه فشار کیلتیرگنیدن سونگ، اوشبو مملکت کمیسارلری ابتدایی شکلده اسلامقلعه کمیسارلری بیلن صحبت اوتکزگن.
اونینگ ایتیشیچه، ایکی مملکت حربی رسمیلری نینگ صحبتلری قابل قبول ایمس و بوتوغریده ایران رسمیلری نینگ افغانستان حکومتی تامانیدن تعیینلنگن هیات بیلن صحبت قیلیشی کیرهک.
نمایندهلر کینگشی اوشبو عضاسی نینگ ایتیشیچه، قوللریگه بولگن حجتلرگه کوره، افغانستان یشاوچیلریدن 39 تهسی ایران حربیلری تامانیدن قیناقلنگنیدن، هریرود دینگیزگه تشلنگن.
اونینگ تاکید قیلیشیچه، بوتوغریده مرکزی حکومت تامانیدن تعیینلنگن هیات نینگ حجت و مدارکلری تکمیل بولگن و تیزلیککه نمایندهلر کینگشی نینگ عمومی ییغینیده ارایه قیلینهدی.
عینحالده، هراتده 5- لوا قومندانی گلبدین الکوزی نینگ سلاموطندارگه ایتیشیچه، اوتگن "پنجشنبه" کونی افغانستان و ایران کمیسارلری آرهسیده اسلامقلعه چیگرهسیده افغانستانلیکلرنینگ ایران حربیلری تامانیدن دینگیزگه تشلهنگنی خصوصیده صحبت اوتکزیلگن و بو صحبتلر نتیجهسی اهالی بیلن شریک قیلینهدی.
افغانستان قاچقینلری نینگ ایران حربیلری تامانیدن هریرود دینگیزیگه تشلهنیش موضوعینی تیکشیریش اوچون اوتگن هفته مرکزی حکومت تامانیدن محمد حمید طهماسی ریاستیده بیر هیات تعیینلنیب هرات ولایتی گه یوباریلگن ایدی.
تیکشیروولردن نیچه کون اوتگنیدن سونگ، جناب طهماسی نینگ اوتگن هفته "چهارشنبه" کونی خبری بیر ییغین اوتکزیب ایتیشیچه، افغانستان یشاوچیلریدن 46 تهسی ناقانونی شکلده ایرانگه بارگنلر، بیراق اولردن 15 تهسی نینگ جسدلری درکسیز یوقالگن.
بوتوغریده ایران نینگ هرات ولایتیدهگی قنسلگرلیگی فکرینی آلیش اوچون سعی و حرکت قیلدیک، بیراق موفق بولمهدیک.
عینحالده، ایران ییریک حربی مسووللری نینگ اوز صحبتلریده ایتیشیچه، اولر بو واقعهنی تیکشیرگنلر، بیراق افغانستانلیک قاچقینلرنینگ ایران حربیلری تامانیدن قیناقلهنیب و دینگیزگه تشلهنگنی خصوصیده هیچقندهی اسناد یوق دیر.
