غزنی ولایتینینگ مدنی فعاللری و ولایتی کینگش اعضالری نینگ ولایتده قومی جرگه و کینگشلرده اساسی قانون و باشقه سقلنگن قانونلر نقض بولیشیدن خواطر بیلدیریب ایتیشیلریچه، مملکت عدلی و قضایی نهادلریده فساد بارلیگی سبب اهالی دوسیهلری حل ایتلیشی اوچون قومی جرگهلر و کینگشلرده حل ایتیلیشگه حرکت قیلگنلر.
غزنی ولایتی کینگش اعضاسی غلامسخی زابلی نینگ سلاموطندارگه ایتشیچه، غزنی یشاوچیلری عدلی وقضایی نهادلرده دوسیهلریگه ایتیش اوچون بارگن صورتده، باید کتته هزینه و کوپ زمان اوتیشینی کوتیب قالیشلری لازم.
جناب زابلیگه کوره، قومی کینگشلر فیصلهسیده ایسه مملکت قانونلری نظرده توتیلمهیدی و کوپراق عرف و عنعنات یوزهسیدن بولهدی. اونینگ ایتیشیچه، غزنی یشاوچیلریدن 50 فایزی قیینچیلیکلری حل ایتیلیشی اوچون قومی جرگهلرگه باش اورهدیلر.
غزنیدهگی مدنی فعاللردن حسین رحیمینینگ ایتیشیچه، مذکور کینگشلرده قتل، حقوقی و طلاق آلیش دوسیهلری حل قیلینهدی، اما کوپینچه عدالت تأمین بولمهیدی.
غزنیدهگی حقوقی مسالهلر بوییچه تحلیلچی محمد نصیر بیان نینگ ایتیشیچه، کینگشلر و جرگهلر ده دوسیهلر حل ایتیلیشی خلق نینگ رسملریدن کیلیب چیقهدی، بیراق شو حاضر افغانستانده حکومت و قانونی بار و یشاوچیلر دوسیهلرینی عدلی و قضایی نهادلر آرقهلی حل قیلیشلری لازم.
مذکور کینگش و جرگهلر عضوی بولگن قوم یاش اولوغلریدن بیرقطاری اسملری سیرسقلنیشینی شرط قویب کوپلب فیصلهلریگه مملکت اساسی قانونی و باشقه قانونلر نظرده توتیلمسلیگینی قبول قیلهدیلر و ایکی تامان مالی امکاناتی نظرده توتیلیب تصمیم آلینیشینی تیلگه آلهدیلر.
غزنی ولایتی نینگ 18 تومنیدن اوروش و ناتینچلیکلر سبب فقط بیش تومنیده باشقرهلاوچلیک ادارهشی موجود.
