افغانستان عیاللری اجتماع بوییچه چیگللیکلر و ایریم قیینچیلیکلرگه روپهره بولهدی؛ عین حالده، عکاس عیاللر هم بو قضیهدن اوزاق ایمس و کوپینچه قیینچیلیکلر جملهدن ناتینچلیکلر، ایرککلر، ادارهلر و دولت رسمیلری تامانیدن زورهوانلیک حرکتلرگه دوچ کیلهدی.
آمنه حسینی، کیچیکلیگیدن قولیگه عکاسلیک کمره آلگن عیاللردن بیری دیر. حسینی حاضر قرار تاپگن مقصدیگه ایریشیش خصوصیده، کوپلب سعی و حرکت قیلیب و رنج ییلتگن. اونینگ ایشیگه توسیق بولهدیگن قیینچیلر توغریسیده ایتیشیچه، نیچه مرته ایرککلرنینگ اچینرلی، ناتوغری، و یمان سوزلریگه روپهره بولگن.
خانم حسینینینگ ایتیشیچه، بیر کون بامیان تومنلریدن بیریگه بیر اجتماعی ییغیندن صورت آلیش اوچون بارگن ایدیم، بیر کیشی کمرمنی قولیمدن آلیب سیندیردی. اوشه زمان بو قیلگن ایشینینگ دلیلینی بیلهآلمهدیم؛ بیراق، اوندن کیین اچیقلنگن صورتینی فکریمگه آلگنیمدن کیین، بو نتیجهگه ایریشدیم که، مذکور کیشینینگ اچیغی آلگن صورتلریم اوچون ایمس، بلکیم بیر یالغیز عیال پایتختدن بامیاننی بیر اوزاق تومنیده کیلیب عکاسلیک قیلیشی خصوصیده بولگن.
اوشبو عیال مملکتدهگی برچه عکاس عیاللردن یمان وضعیتلی فضا برابریده توختهب سعی و حرکت قیلیشلرینی سورهدی.
مریم خاموش، نیچه ییلدن بویان عکاسلیک و فوتوژورنالیزم توغریسیده ایشلهیدی. اونینگ افغانستان عکاس عیاللر قیینچیلیگی توغریسیده ایتیشیچه، اجتماعی ناتینچلیکلر عکاس عیاللر فعالیتلریگه قرشی جدی قیینچیلیک سنلهدی. خانم خاموشنینگ، اجتماعی و ناقولی رسمورواجلر خصوصیده ایتیشیچه، دیمک ناقولی رسمورواجلر بوتون جماعهنی قورشاوگه آلگن، بیراق عیاللر کوپراق بو سنتلرگه چالینگن.
خانم خاموشنینگ ایتیشیچه، اوزی نیچه مرته تهدید بولیب و کلتکلنگن. او، اوچ ییل آلدین یوللردن بیرینی چیککهسیده عکس آلیب تورگن چاغیده، میدیالردن بیری تامانیدن دوپسلنگن.
خانم خاموش، اوتمیشلرنی حاضرگی شرایطگه قیاسلب ایتیشیچه، حاضرگی اجتماع وضعیت اوتمیشلرگه قرهگنده عکاسلیک ایشی اوچون یخشی دیر و کوچه و بازارده عکاس عیاللر حضوری طبیعی بولگن. اونینگ عکاسلیک خصوصیده بولگن اساسی قیینچیلیکلر توغریسیده ایتیشیچه، هردایم روپهره بولیب تورگن قیینچیلیکلریمدن بیری، خوفسیزلیک کوچلرینینگ ناتوغری حرکتی دیر؛ اولر هرقندهی مستند قوریش و عکاسلیککه قرشی کورهشیب و عکاسنی ایشیگه تینچ قویمهیدی.
عکاس عیاللردن باشقه بیری نیلوفر نیکپورنینگ ایتیشیچه، افغانستانده عیال بولیشنی اوزی بیر کته قیینچیلیک دیر، بیر عیال عکاس بولیب و کوچه و بازارده چیقیشی فکردن اوزاق بولیب تورگن. اونینگ ایتیشیچه، یالغیزلیکده عکاسلیک قیلیشگه جرأت قیلمهیدی و کوپینچه ییرلرده گروهی شکلده عکاسلیک قیلیشگه بارهدی.
خانم نیکپورنینگ، خوفسیزلیک کوچلریدن گیله قیلیب ایتیشیچه، اوشبو کوچلر عکاسلیک خصوصیده، یاردم بیریش اورنیده، اوزلری ایریم پیتلرده خبرچیلر و عکاسلرگه قیینچیلیک یرهتهدی. او، اوزیگه قرشی یوزبیرگن واقعهلردن بیریگه اشارهقیلیب ایتیشیچه، کونلردن بیرکون عکاسلیک اوچون شهردن تشقری چیقدیک، پولیس پوستهلری بیریدن خوفسیزلیکلریمیزنی تأمینلش خصوصیده یاردم سورهدیک؛ بیراق، اولر یاردم بیریش اورنیده اخلاققه قرشی بیزلردن تلیفون رقملریمیزنی سورهدی.
اوشبو عکاس عیالنینگ ایتیشیچه، عکاسلیک حوزهسیده مدنیت توزهتیلیب و دولت تامانیدن بو خصوصده، بیللی سیاستلر کوزگه توتیلیشی کیرهک.
عکاس عیاللردن باشقه بیری سلطانه حبیب، اجتماعی خوفسیزلیک بولمهگنی باعث، کمیده آلتی آیدن بویان اویده قالگن. خانم حبیب، اوزلریگه قرشی عکاسلیک خصوصیده بولگن قیینچیلیکلر توغریسیده ایتیشیچه، بیزلر کیچه تاماندن عکاسلیک قیلیش اوچون تشقری چیقه آلمسدیک. کوندوز هم قورقینچ بیلن عکس آلردیک. خانم حبیبنینگ کوپهیتیریشیچه، عکاس عیاللرهم مسلکداش بولگن ایرککلردیک تینچلیکده قورقینچسیز ایشلریگه دوام بیریشی کیرهک.
ملی بیرلیک حکومتی و بوتون افغانستان دولتی هردایم، سوز ایرکینلیگی، خبرچیلر و عکاسلرنینگ حقوقیدن حمایه ایتیش خصوصیده شعار بیریب کیلگن. بیراق، بیللی ایمسکیم، کونسایین خبرچیلر و عکاسلرگه قرشی زورهوانلیکلر کوپیماقده، هیچ قچان و هیچ بیر ییرده مذکور ایکی گروهنینگ اجتماعی و ایش خوفسیزلیگی تأمین ایمس دیر.
