ساغلیقنی سقلش وزیرلیگی مسووللری نینگ ایتیشیچه، خلق ارا ساغلیقنی سقلش سازمانی نینگ تیکشیریشیگه کوره، افغانستانده 44% اولیملر ساری بولمهگن کسللر سبب، یوز بیرهدی.
اولرنینگ کوپهیتیریشیچه، بو جملهدن 21% اولیمنی یورک کسللیگی تشکیل بیرهدی
بوگون "یکشنبه" ساغلیقنی سقلش وزیرلیگی اورین باسری ماموسی زیور نینگ خلق ارا یورک ایامی مناسبتی بیلن کابلده بیر ییغینده ایتیشیچه، ناسالم آذیق-اوقات، قان فشاری، شکر کسللیگی، مخدره مادهلردن قولهنیش و الکول مصرف قیلیش یورک کسللیگی کوپهیشیگه سبب بولهدی.
ساغلیقنی سقلش وزیرلیگی جاری ییلده یورک کسللیگیگه یولیقگنلر ارقامینی ترقتمهگن.
بیراق، اوشبو وزارت تامانیدن اوتگن ییل ترقهتیلگن ارقام گه کوره، 1397- ییلده 52 مینگ کشی یورک کسللیگیگه یولیقگن و بو جملهدن 1 مینگ 39 تهسینی باشکنت یشاوچیلری تشکیل بیرهدی.
ساغلیقنی سقلش وزیرلیگی مسووللری، ییترلیچه امکانیت یوقلیگی و یورک کسللیگینی درمانلش اوچون متخصصلر کملیگینی بوتوغریده بولگن اساسی قیینچیلیک عنوان قیلهدی.
عینحالده، خلق ارا ساغلیقنی سقلش سازمانیگه کوره، یورک کسللیگی دنیا ده 31% اولیمگه سبب بولهدی و هر ییلده 17.5 میلیون کیشی بو کسللیک سبب جانلرینی قولدن بیرهدی.
