قندوز سقوط قیلیشینینگ باشقه پیاملریدن بیری اخبارات واسطهسی نینگ 63 خادمی ایشسیز قالیشی بیلن خلاصه بولمیدی. بو حساباتنی اون رادیو ترماق، اون چاپی نشریه و ایکّی تلویزیوننینگ مسووللری سلاموطندار رادیوسی بیلن قیلگن صحبتده ایتگنلر.
قندوز ولایتی محلی اخبارات واسطهلرینینگ مسووللری، ولایت طالبلر قولیگه اوتگندن کیین رسانهلرنینگ برچه جهازلری تاراج – تالان ایتلیشی، نابرقرارلیک لر آشیشی و سرمایهلر ولایتدن چیقاریلیشی قندوزده اخبارات واسطهلری ملازملریگه ایش زمینهسی چیکلهینشی گه سبب بولگن دیگنلر.
جناب قاضی زاده، ملازملری جانی امنیتینی نظرده توتیب بعضن برنامهلرنی تیکشیریشگه قول اوریش لرینی ایتهدی.
باشقه تاماندن، خوفسیزلیکلر ولایتده محلی رسانهلرنینگ قرشیسیده بولگن ییریک قیینچیلیکلردن حسابلنهدی. بو موضوع رسانهلر اقتصادی وضعیتیگه جدی سلبی تاثیر قویگنلیکدن علاوه، اخبارات واسطهلریدهگی خانملر اوچون اولکن سلبی تاثیر قالدیرگنی ایتیلهدی.
قندوزدهگی شایسته و کیهان رادیو ترماغی نینگ مسوولی خانم زرغونه حسن، محللی رسانهلر مسووللرینینگ امنیتی ادارهلرگه نسبتن ایشانچ سیزلیگی و محلی خبرچیلر خوفسیزلیگی بولمهگن لیگی ولایتدهگی مدیاده ایش قیله دیگن عیاللر سانی کوزگه کورینرلی درجه ده کمیشیگه باعث بولگن دیگن.
قندوز ولایتی سقوط قیلمسدن آلدین کیهان و شایسته رادیو لریده 20 دن آرتیق خانیم لر ایش لردی دیدی خانم حسن. لیکن، حاضر ایسه فقط اوچ قیز بو رادیو ده ایش بیلن شغللنهدی.
عین حالده، قندوز ولایتی اوتگن ییل جنگری طالبلر تامانیدن اشغال ایتیلگندن سونگ ولایتدهگی برچه اخبارات واسطهلرینینگ جهازلری تاراج و تالان ایتیلگن لیگی ایتیلهدی. ییترلی درجه ده جهازلر بولمهگن لیگی هم ولایتده اخبارات واسطهلری اوچون کته بیر معماگه ایلگن لیگی تاکیدلنهدی.
اما، قندوزدهگی محلی رسانهلر موجود قیین چیلیکلردن چیقیشی اوچون یقینده محلی رسانهلر انجمنی ایجاد ایتیلیب فعالیتگه باشلهگن. بو انجمن تاسیس ایتلیشیدن نیت ولایتده عاموی اخبارات واسطهلری قیته تیکلهنیشی اوچون دنیا جماعه چیلیگی یاردملرینی جلب قیلیش.
قندوز محلی رسانهلری انجمنینینگ مسوولی محمدصابر یوسفی، آلیب باریلگن کوپ سعی وحرکتلردن کیین یالغوز سلام وطندار ترماغی بعضی داریولرگه ایریم تخنیکی جهازلرنی بیرگن لیگینی ایتگن. اما، بو ساحهده فعالیت قیله دیگن هیچ بیر اداره بو بولیم گه همکارلیک قیلمهگن لیگی تاکدیلنهدی.
جناب یوسفی، محلی مدیا جهازلری تاراج و تالان ایتیلگندن کیین چمهسی اون ته اخبارات واسطهسی فعالیتی توخته تلیشیگه سبب بولگن. آلدینلر، محلی رادیولر کوپراق عملگه آشیریله دیگن لایحهلر یاردمی اساسیده مالیوی تامین ایتیلردی، لیکن، هلی پروژه یوق لیگی مالی مسله اوچون کته قیین چیلیک توغدیرگن.
اما، ولایت والی سی اسدالله عمرخیل، ولایتده خوفسزلیک ضعیتی کون – ساین اوتیشی بیلن یخشی لهشیب بارماقده دیگن. او، سوز ایرکینلیگی حمایت ایتیلیشی بارهسیده تاکیدلهگن.
بونگه قرهمی، قندوز ولایتیده محلی اخبارات واسطهلری نینگ مسووللری، سلام افغانستان بو ولایتیدهگی رادیولر فعالیتی قیتهدن باشله نیشی اوچون کومک و همکارلیک قیلگن بیرینچی اداره بولگن لیگینی تیلگه آلگنلر.
ایتیلیشیچه، سلام افغانستان رسانهیی ادارهسی قندوز ولایتیده 5 محلی رسانه جمله دن جیهون، زهره، چراغ، کیهان رادیو لری قوشیمچه روشنی تلویزیون ترماغینی هر تامانلمه حمایت قیلگن.
