.jpg)
«چمهسی (دشتبرچی) منطقهسینینگ بوتون خلقی آواره بولگن ایدی؛ فقط بیز و ایکّی کوچه نریاغده ایکّی – اوچ خانهدان عیاله میزنی تَرک قیلمهگن دیک. برچی کیچه و کندوز نیچه راکت کیلیب تویشی گواهی ایدی؛ انچه وقتدن سونگ بو راکتلر حزب اسلامیگه تیگیشلی ایکنلیگینی بیلدیم. مذکور راکتلردن بیری کیلیب اویمگه توشیب پارتلهگندن سونگ مینینگ قاره کونلریم باشلندی در حقیقت. حادثهده عزیزلریمدن اوچ کیشی ناگران بولیب بیرتهسی ایسه شهید بولدی»
آرزو صحبت جریانیده اوزینی توته آلمسدن انده – سنده ییغلیب دودوقلهنیب سوزلریگه دوام بیرردی. آرزو ایندی 22یاشیگه کیریب ییتیشگن قیز. اونینگ حکایهسیگه کوره، حزب اسلامی بیلن یرهشیلگنی و حکمتیار قیتهدن کیلیشینی ایشیتگندن بیری هر کیچه یامان توش کورهدی. کوندوزلری آتهسی، ناگران آپهسی و فلج ایناغهسینی کوریش بیلن تیریکلیکدن ینه- ده امید سیز بولهدی.
اوشبو قیز بو توغریدهگی بوتون روایتلرنی آتهسیدن ایشیتگن. صحبت آقیمیده آرزو نیچه بار مهمانخانهنینگ یوقاری قبتیگه قولی بیلن اشاره قیلدی. او ییر ناگران آتهسی و آپهسی ینه فلج بولیب قالگن ایناغهسینی کوردیم.
بو قیز، بوتون دنیا هم حکمتیار یاغدیرگن راکتلرنی اونوتسه، اوزی و خانهدانی بو جنایتنی اصلا ایسدن چیقارمسلیگینی تیلگه آلگن. کوزیده یاش حقله بولیب بوغزی تولیب ییغلهگیسی کیلگن آروز بیر پَس توختهلیب: « ناگران عایله بیلن قندهی قیلیب ایسدن چیقارهی؟ بولرنی کوریب هر کون، هر ساعت و هر لحظه آغریغیم کوپهیب، کوپراق درد چیکهمن»
.jpg)
آتهسی حقیده حکایه قیلیشگه باشلهگن آروز، آتهسی ناگران بولگندن 40کون کیین ایشدن آلینگن لیگینی نالیب ایتهدی. اونینگ سوزلریگه کوره: «ناگران بولگن سیز، بوندن سونگ بیزگه یرهمی سیز» بو سوزنی سونگی مرته آتهسی اداره باشلیغیدن ایشیتگن.
حزب اسلامی قیتهدن کابلگه کیلیشینی ایشتگن بو یاش – قیز قورقیشیدن گپره آلمیدی. او: «حکمتیار قیته کیلیشی بیلن اوتگن قاره کونلر تکرار بولیشیدن قورقهدی»
کورینیشیچه بو قیز توشکونللیککه بیریلگن. بوتون دنیادن کونگلی قالگن. قاره بولگن تقدیری اوچون حکومت هیچ بیر نرسه قیلمسلیگی و فریادینی ایشیتمسلیگینی یخشی بیلهدی. انه شو اوچون هم آرزو «بدبخت بولگن خانهدانی» اوچون محکمه باریب دوا آچیشگه یوزلهنیشی هیچ فایده بیرمسلیکنی بیلیب بو توغریده هیچ حرکت قیلمهگن.
ایسلتمه: «آرزو» بو قیزنینگ مستعار اسمی.
