.jpg)
هرات ولایتیده بیرینچی مرته خیابان آزارلیککه قرشی کمپاین اوتکزیلدی. اوشبو کمپاین یولگه قویگنلرگه کوره، کونده عیاللر اویدن چیقیب ایشدن، یا باشقه جایدن قیتیب کیلگونلریچه بعضی ایرککلرنینگ تورلی اذیت، آزار، فحش و تورلی سوکیشلرگه روپهره بوله دیلر.
خیابان آزارلیککه قرشی کورهشیش کمپاین مسوولی زهر وندا مذکور برنامهنی اوتکزیشدن نیت خیابانلرده عیاللرگه نثار ایتیله دیگن هر قندهی ناتوغری و فحش سوزلرنی آلدینی آلیش دیگن. او، بو کمپاینده اهالیگه بو مساله اوچون آگاهلیک بیریش دیگن.
خانم وندانینگ سوزلریگه کوره، کوپینچه خیابان آزارلیکلر یاشلر تامایندن عملی ایتیلهدی. انه شو سبب هم مذکور برنامهده کوپراق یاشلرگه قرهتیلگن. اونگه کوره، خیابان آزارلیکنینگ اینگ اساسی علتی قیزلرگه قرهته جنسی غریزهلی سوزلرنی ایشلهتیش دیر. اما، بوندهی سوزلر بیلن یاشلر اوزیگه فخرلنگن بولهدی.
.jpg)
اوشبو کمپاین اوتکزگنلرگه کوره، بو برنامه اساسیده اهالیگه ایرککلر همده عیاللر حقوقی مساویلیگی تینگ ایکنلیگینی توشینتیریش اوچون سعی وحرکت قیلیش دیر. زهره وندا، بو کمپاین بوندهی برنامهلرنی اوتکزیش بیلن چیکلهنیب قالمی، بلکه کیلهجکلرده عیاللر اوز حق و حقوقلریگه ایریشیش اوچون هم بوندهی برنامهلر اوتکزیلیشی ممکن.
کمپاینده اشتراک قیلگنلردن بیری پریسا جمیشیدینینگ سوزلریگه کوره، خیابان آزارلیک عیاللر قرشیسیده تورگن ییریک معما سنهلهدی. اهالینینگ مسالهگه نسبتن توشونچهسی آشگن تقدیرده، بو قیینچلیک ایسه تیزلیکده جامعهده حل بولهدی.
هرات مدنی جماعه چیلیک ادارهسی نینگ فعاللریدن ماریا بشیر، خاتین قیزلرنی عمومی مکانلرده اذیت ایتیش و ناسزا گپلرنی حواله قیلیش عیاللرگه قرشی زوروانللیکنی توسیش قانونیگه هم بیر جرم دیر سنلهدی دیگن.
