افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبههلی 883 کیشی دن آلینگن نمونه سیناویده 14 ولایتده 154 کیشی نینگ نتیجهسی مثبت تشخیص قیلینگن.
بوگون «دوشنبه، 23- سرطان» مذکور وزیرلیک رسمیلری نینگ ایتیشیچه، اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 34 مینگ و 605 کیشی گه آشگن.
اوشبو وزیرلیک نینگ ایتیشیچه، اوتگن بیر کیچه-کوندوز جریانیده کرونا ویروس کسللریدن 64 تهسی نینگ قیته ساغهیگنی معلوم قیلینگن و باشقه 28 تهسی جان بیرگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگهقدر مملکت ده کرونا ویروس کسللریدن 21 مینگ و 280 تهسی قیته ساغهیگن و باشقه بیر مینگ و 38 تهسی جان بیرگن.
شونینگدیک، حاضرگچه دنیا بویلب کرونا ویروس گه چلینگنلرنینگ سانی 13 میلیون و 423 مینگ دن آشگن. بو آرهدن 571 مینگ دن آرتیغی جان بیرگن و باشقه 7 میلیون و 588 مینگ دن آرتیغی قیته ساغهیگن.
