غور ولایتی نینگ محلی مسؤوللری، مدنی فعاللری و ولایتی کینگش اعضالریدن بیرقطاری نینگ ایتیشیچه، هوا ایسیق بولگنیدن کیین مذکور ولایت نینگ مرکزی فیروزکوه شهرینی اطرافی و ایریم تومنلرده طالبان گروهی نینگ هجوملری باشلنگن.
غور ولایت کینگشی اعضاسی محمد مهدوی، مذکور ولایتده امنیتی کوچلرنینگ تشکیلاتی کملیگی دن خواطر بیلدیریب ایتیشیچه، اوشبو ولایتده بولگن امنیتی کوچلر خوفسیزلیکنی یخشی بیر شکلده تأمین قیله آلمهیدی.
مهدوی گه کوره، مرکزی حکومت غور ولایتیده امنیتی کوچلر تشکیلاتینی کوپهیتیرمهگن صورتده، غورده ناتینچلیکلر کینگهییشی ممکن.
شونینگدیک، غور مدنی فعاللریدن بیرقطاری نینگ ایتیشیچه، امنیتی کوچلرنینگ تشکیلاتی کملیگی گه علاوه امنیتی کوچلرنینگ آرهسیده بولگن اویغونسیزلیک مذکور ولایت نینگ کوپینچه تومنلریده ناتینچلیکلر کوپهییشی و طالبان گروهی فعالیتلری کینگهییشی گه سبب بولگن.
غور مدنی فعاللری نینگ آگاهلنتیریشیچه، مذکور ولایت نینگ خوفسیزلیک وضعیتی گه دقت قیلینمهگن صورتده، تومنلردن بیرقطاری طالبان گروهی نینگ نظارتی گه اوتیشی ممکن.
عین حالده، غور حاکمی نینگ سوزلاوچیسی عبدالحی خطیبی، مذکور ولایتده امنیتی کوچلرنینگ تشکیلاتی کملیگینی تَن آلهدی. بیراق ایتیشیچه، بو موضوع نی مرکزی حکومت بیلن شریک قیلگنلر.
خطیبی گه کوره، غور مملکت نینگ کینگ ولایتلریدن بیری دیر و تومنلریدن بیرقطاری مرکزدن 220 کیلومتر اوزاق بولگن.
غور حاکمی سوزلاوچیسی نینگ کوپهیتیریشیچه، غور کبی قیین یوللی و کینگ ولایت خوفسیزلیگی نی تأمینلش اوچون امنیتی کوچلرنینگ تشکیلاتی کوپ بولیشی کیرهک.
غور ولایتیده خوفسیزلیک کوچلرنینگ تشکیلاتی کملیگی دن خواطر بیلدیریلگنیدن نیچه کون آلدین شهرک غور و دولینه تومنلری آرهسیده کورآب لیلا منطقهسیده طالبان گروهی تامانیدن اویوشتیریلگن هجوم ده پولیس عملیاتی قطعهسینی قومندانی شامل امنیتی کوچلردن 6 تهسی هلاک و باشقه نیچهتهسی یرهلنگن ایدی.
شو توغریده…
غور؛ چهارسده عسکرلری حربی جهاز و آذیق-آوقت کملیگیگه روپهره بولگنلر
