قندهار معارف ریاستی رسمیلری نینگ ایتیشیچه، 573 مکتب ولایت تشکیلاتیده کورسهتیلگن بولردن 420 مکتب فعال و 153 مکتب یاپیق. رسمیلرگه کوره، 50 مینگ اوقووچی یاپیق قالگن مکتبلرگه اوقیش اوچون باره آلمی بیردهه اورگهنیشدن محروم قالگنلر.
قندهار معارف ریاستی نینگ باشلیغی محبالله قادری نینگ سلاموطندارگه ایتیشیچه، ولایت شورابک، ریگستان و غورک تومنلری مکتبلری ایشیگی بیردههدن بیری اوقووچیلر یوزیگه یاپیق قالگن و مذکور مکتبلر فعال قیلیش تلاشلری نتیجه بیرمهگن.
جناب قادریگه کوره، اوشبو اوچ تومن مکتبلریگه قوشیمچه، شاهولیکوت، خاکریز، میانشین، نیش، ارغستان و میوند تومنلری نینگ هم مکتبلری یاپیق قالگن.
قندهار رسمیلری، مکتبلر ایشیگی اوقووچیلر یوزیگه یاپیق قالیشی ناتینچلیک، تشکیل آزلیگی، اوقیتوچی بولمهگنی، منطقه یاشاوچیلرنی یاردملیک کورستمهگنی و مکتبلر ساختمانی بولمهگن لیگینی دلیل بیلهدی. رسمیلرگه کوره، قیینچیلیکلرنی معارف وزیرلیگی بیلن اورتهگه قویگنلر، بیراق حاضرگه قدر بوتوغریده هیچ بیر ایش بولمهگن.
قندهار معارف رسمیلری نینگ ایتیشیچه، تومنلردن کوپیسیگه معارف مدیریتلریگه هم ساختمانی یوق و شوحاضر 200 ساختمانگه نیازلری بار.
قندهار مدنی فعاللری و خلقی مکتبلر ایشیگی آچیلیشیگه تلاش قیلیشلرینی دولتدن ایستهیدیلر.
شوحاضر قندهار مکتبلریدن 420 مکتب فعال، 277 مینگ کیشی درس اوقیشگه مصروف و بولردن 67 مینگ کیشی قیزلر ایتیلگن.
