.jpg)
بوگون «چهارشنبه» افغانستان بوییچه قیزیل حاج کمیتهسینینگ مسؤوللری، عکس کورگزمهسی و خبری بیر ییغین یولگه قوییب مذکور مرکزنینگ قیته آیاقلهنیش برنامهسینی 30 ییللیگینی نشانلهگن.
اوشبو ییغینده قیزیل حاج باشلیغی جو آن پدرونینگ ایتیشیچه، افغانستانده اولرنینگ 30 ییللیک فعالیتی جریانیده، بو مرکزده 180 مینگدن آرتیق کیشی رویخطگه آلیب و قیته آیاقلهنیش برنامهسی خذمتلریدن فایدهلنگن.
جناب پدرونینگ ایتیشیچه، ییلده افغانستان بویلب 10-12 مینگ کیشی قیته آیاقلهنیش اوچون قیزیل حاج قیته آیاقلهنیش مرکزلریگه مراجعت قیلهدیلر. جناب پدروگه کوره، بو آرهده مراجعتچیلردن 1500 تهسی اوروش ناگرانلری بولگن وقالگنی ایسه، تورلی کسللیکلر، ترافیکی و طبیعی حادثهلر و توغدیریش سوءشکللری باعث، تنهلرینینگ اعضالریدن قولدن بیرگنلر.
قیزیل حاج قیته آیاقلهنیش برنامهسیدن فایدهلنگن ناگرانلردن بیرقطارینینگ ایتیشیچه، قیزیل حاج تشکیلاتیدن قولگه کیریتگن یادملر و صنعی اعضالردن سونگ، اولرگه قیته حیات بیریلگنینی توشونگنلر.
.jpg)
ایچکی اوروشلر زمانیده آیاقلرینی قولدن بیرگن رحمان، قیزیل حاج قیته آیاقلهنیش مرکزینینگ یاردمی بیلن حاضر دکاندارلیک قیلهدی و شونینگدیک، مذکور مرکزنینگ بسکتبار تیرمه جماعهسینینگ اعضاسی دیر.
شونینگدیک، فرزانه 21 ییل آلدین، آیاغینی بیر ماین پارتلهشی نتیجهسیده قولدن بیرگن. اونینگ ایتیشیچه، قوشنیلریدن بیرینینگ همکارلیگی بیلن قیزیل حاج قیته آیاقلهنیش مرکزی گه مراجعت قیلیب و صنعی آیاق قولگه کیریتگن. حاضر او، قیزیل حاج قیته آیاقلهنیش مرکزیده فعالیت قیلهدی.
ساغلیقنی سقلش وزیرلیگی تامانیدن بیریلگن رقملرگه کوره، مملکت جمعیتیدن 3-5 فایزینی ناگرانلر تشکیل بیرهدی. اوشبو رقملر اساسیده، حاضر مملکتنینگ 17 ولایتیده 22 قیته آیاقلهنیش مرکز فعالیت قیلهدی.
