بگرام قماقخانهسیده محبوسلر یمان وضعیتده حیات کیچیرهدیلر. نمایندهلر کینگشینینگ بوگونکی عمومی ییغینیده نمایندهلر کینگشی شکایتلرگه تیکلش کمیسیون اعضالری، بگرام قماقخانهسیده محبوسلرنینگ قیینچیلیکلری توغریسیده خواطر بیلدیرگنلر.
اولرنینگ ایتیشیچه، مذکور قماقخانهدن قولگه کیریتگن قیسقه گزارشلریگه قرهگنده، محبوسلر یمان وضعیتده حیات کیچیرهدیلر.
نمایندهلر کینگشی شکایتلرگه تیکلش کمیسیون باشلیغی عبیدالله بارکزینینگ ایتیشیچه، بگرام قماقخانهسیده سیاسی، جنایی و بالهلر شامل 6500 محبوس حیات کیچیرهدی، بیراق اوشبو محبوسلر اورگهتیش و تربیهلش، کسلخانه، داکتر، کییم، ییگولیک آذیق اوقت غرفهسی و باشقه کیرهکلی نرسهلردن محروم قالگنلر.
جناب بارکزیگه کوره، اوشبو محبوسلرنینگ عایلهلری 6 آیده بیر مرته اولرنی کوره آلمهیدیلر و بیرقطارلرینینگ قماق دورهسی یکونلنگن، بیراق حاضرگهقدر دوسیهلری تیکشیریلمهگن.
شونینگدیک، نمایندهلر کینگشی بیرینچی اورین باسری همایون همایوننینگ ایتیشیچه، حاضرگچه ایکی مرته بو قماقخانهنی کوریب چیققن و محبوسلرنینگ یمان وضعیتینی کورگن. جناب همایونگه کوره، بگرام قماقخانهسیده محبوسلرگه بولهدیگن حرکت ناتوغری و جوده هم اَچینرلی دیر.
عین حالده، نمایندهلر کینگشی اعضالری، حکومتدن محبوسلرنینگ قیینچیلیکلریگه جدی شکلده دقت قیلیشینی سورهگن.
