پروان ولایتیده بولگن ساغلیک مرکزلرگه دارو تیارلش شرطنامهسی نینگ بیر بنا قوریش شرکت بیلن امضا ایتیلگنی نمایندهلر کینگشی و ولایتی کینگش اعضالرینینگ تنقیدلری بیلن روپهره بولگن.
پروان ولایتی کینگش باشلیغی غلام بهاوالدین جیلانی نینگ ایتیشیچه، محلی حکومت کوپ قطار قراردادلرنی ولایتی کینگش اعضالرینی جریانگه قویمسدن امضا قیلهدی و پروان ولایتیده بولگن ساغلیک مرکزلرگه داور تیارلش شرطنامهسی نینگ بیر بنا قوریش شرکت بیلن امضا ایتیلگنی اولر جملهسیدن دیر.
عینحالده، پروان ولایتی بوییچه ساغلیقنی سقلش ریاستی باشلیغی صفیالله وارسته، بو ولایتده بولگن ساغلیک مرکزلرگه دارو تیارلش شرطنامهسی نینگ بنا قوریش شرکت بیلن امضا ایتیلگنینی تصدیقلیدی.
پروان ولایتی بوییچه ساغلیقنی سقلش ریاستی باشلیغی نینگ ایتیشیچه، حجتلرگه کوره، مذکور شرکت لوژستیکی و بنا قوریش بولیملرده فعالیت قیلهدی و شونینگدیک، دارو انتقال بیریش بولیمیده هم سندی بار.
جناب وارسته، مذکور شرطنامه ارزشینی 29 میلیون 500 مینگ افغانی عنوان قیلهدی. اونینگ ایتیشیچه، اوشبو بنا قوریش شرکت پروان ولایتی کسلخانهسی و باشقه 88 ساغلیک مرکزگه داور انتقال بیرهدی.
پروان حاکمی فضلالدین عیار، دارو تیارلش قراردادی نینگ بنا قوریش شرکت بیلن امضا ایتیلگنینی منطقلی بیلمهیدی. اونینگ ایتیشیچه، بو موضوعنی تیکشیریش اوچون بیر هیات تعیین ایتیلهدی.
عینحالده، پروان یشاوچیلری و ولایتی کینگش اعضالری، اوشبو ولایت ساغلیکنی سقلش مرکزلریده داور کملیگیدن تنقید قیلیب و حکومتدن بو توغریده دقت قیلیشینی سورهگنلر.
مذکور شرکت خصوصیاتی و امضا ایتیلگن شرطنامه خصوصیده کوپراغ معلومات قولگه کیریتیش اوچون سعی و حرکت قیلدیک؛ بیراق پروان ولایتی نینگ مالی و اداری بولیمی باشلیغی بو توغریده معلومات بیریشنی ایستمهدی.
شوتوغریده…
