قندوز ولایتینینگ برق ادارهسی مسووللری، 500گه یقین محلی زوروانلر، قوم یاش اولوغلری و ولایتنینگ بیر نیچه محلی ادارهسی برق حسابیدن قرضدارلر دیگن. رسمیلر، مسالهنی ملی امنیت کینگشیده اورتهگه قویلگنلر؛ اما، بو موضوعگه هنوزگچه اعتبار بیریلمه گنلیگینی ایتگنلر.
قندوز برق ادارهسینینگ باشلیغی انجنیر حمیدالله ولایت مقامی شامل کمیده 25 محلی اداره یوز میلیون افغانی آرتیق بو ادارهدن قرضدارلر دیگن.
شونینگدیک محلی زوروان کیشیلر 68 میلیون افغانی برق مصرفی پولنی تولمهگن لیکلری ایتیلهدی.
برق ادارهسی باشلیغی، زوروانلر همده محلی ادارهلر 14 ییلدن بیری برق مصرفلری مبلغینی تولمهگنلیکلرینی معلوم قیلگن. حمیدالله تیگیشلی ادارهلر هم بو مبلغنی جمعلش اوچون قادر ایمسلر دیگنلر.
قندوز برق ریاستینینگ معلوماتیگه کوره، ولایت مقامی، پولیس ادارهسی، تورمهخانه، ملی امنیت باشقرمهسی، بیلیم یورت ریاستی، ساغلیقنی سقلش باشقرمهسی، باجخانه، استیناف محکمهسی، معارف، سوو لنتیریش، ایکینچیلیک، موادنفتی، ملی تلویزیون، مستوفیت، عدلیه ریاستی و ولایتی کینگش برق حسابینی تولمهگن ولایتدهگی ادارهلر ایکنلیگینی بیلدیرگن.
ولایتنینگ بیر قطار مدنی فعاللری، قرضلرنی ییغیشده برق ادارهسی مسووللرینی کوچسیز ایکنلیکده عیب لهگنلر. مدنی فعاللردن بیری حیدر – حیدر، محلی ادارهلر برق حسابیدن بولگن قرضلرینی تولش اوچون حکومت تامانیدن باسیم آستیگه آلینیشی بارهسیده تاکید ایتهدی.
عین حالده، قندوز ولایت والیسینینگ سوزلاووچیسی محمود دانش، بولر محلی ادارهلر و زوروانلر برق پولینی تولشلری اوچون مهلت تعین قیلگن لیکلرینی ایگن. اونینگ سوزلریگه کوره، محلی ادارهلر و زوروانلر قرضلرینی تولش اعتبار بیرمهگن حالده، تعین ایتیلگن زمان توگهشی بیلن اولر عدالی وقضایی اداره لرگه تانیشتیریلهدی.
ولایت والیسینینگ سوزلاووچیسی محلی ادارهلر اینیقسه ولایت مقامی قرضینی تولهمسلیکنینگ بیرینچی سببی ییترلی بودجه یوقلیگی دیب ایتگن. او، محلی حکومت مرکزدن بو ولایت ییللیک بودجهسینی آشیریشنی سورهگنلر دیدی.
کونده 30 میگاوات برق قوشنی تاجیکستاندن آلیب کیلینهدی و ولایت برق ادارهسی تعین ایتیلگن زمانده هر آی تاجیکستان تامانیگه برق حسابیگه مبلغ تولشی کیرهک
