نوروزلیک بیزلرنینگ جامعهمیزده اوزاق تاریخ گه ایگه بولمهگن سنتلردن بیری دیر. بیراق آز مدتده کینگ شکلده رواجلنگن و بوتوغریده میدیا هم اوز تأثیرینی تشلهگن. نوروزلیک نیچه بسته کییم، آلتین یوزوک، نیچه بسته خینه، کیک و کلوچه، بیر مقدار اِت، اون، برنج، بلیغ و جلبیدن عبارت بولیب اوغیل بالهنینگ عایلهسی قیزنینگ عایلهسیگه آلیب بارهدی.
قیزی بولگن عایلهلرنینگ بو رسمدن یمانی کیلمهیدی؛ بیراق عایلهلردن کوپینچهسی، تورموش قوریش و نشانلش مراسملری یانیده، نوروزلیککه مصبیت کوزی بیلن قرهیدی. حاضرگی شرایط گه قرهگنده، کون اوتیشی بیلن آلیش و بیریش قدرتی کمهییب و ایشسیزلیک میزانی آشهدی.
یاش قیزلردن بیرقطارینینگ ایتیشیچه، نوروزلیک سنتی گه علاقهلری یوق، بیراق جامعهدهگی حاکم توشونچه گه یوزهسیدن اونگه تَن بیرهدیلر. طِب فاکولتهسیده تورتینچی صنف اوقووچیسی نرگسنینگ ایتیشیچه، نوروزلیک ضروری رسم و رواج گه اوزگرگن، بیراق حقیقتده کیرهک بولمهگن خرجت دیر.
شونینگدیک، سونگی کونلرده نشانلنگن فرهادنینگ ایتیشیچه، نوروزلیک مدنیتی عایلهوی علاقه مستحکملیگی و توشونچهسیگه باغلیق ایمس دیر؛ نوروزلیک مراسملریدن کوپینچهسی عایلهلر آرهسیدهگی حسرت دن چیقهدی.
مملکت جامعه شناسلریدن محمدعیسا جمال، یشاوچیلر اینیقسه باشکینت اهالیسینینگ آرهسیده بولگن خرجت مدنیتی رواجلنگنی گه اشاره قیلیب ایتیشیچه، افغانستان جماعهسیده بولهدیگن حرکتلر ماس کورینمهیدی و عایلهلرنینگ درامدی قنچهلیک قویی بولسه و اوشنچه ایستکلری میزانی آشهدی.
کورینیشچه کون اوتیشی بیلن خرجت مدنیتی عایلهلر آرهسیده کینگهیماقده و هر کون نشانلش و تورموش قوریش مراسملری یولگه قوییلیشی خصوصیده، ایریم بهانهلر یول تاپماقده. بیراق بو مدنیت آلدی آلینیشی توغریسیده افغانستان دولتینینگ سیاستی حاضرگچه بیللی ایمس دیر.
