بوگون «جمعه» فاریاب ولایتی نینگ پشتونکوت تومنی سبز منطقهسیده ناقانونی قوراللی بیر گروه 4 قیزگه تجاوز قیلگن.
میدیالرگه صحبت بیرگن فاریاب پولیس قومندانی غیبالله سادات نینگ ایتیشیچه، ناقانونی قوراللی قومندانلردن بیری ذکرالله، نیچه قوروقچیسی بیلن بیرگه 4 قیزنی جنسی زورلگن.
جناب سادات نینگ ایتیشیچه، اوشبو واقعه مذکور عیاللر هییتلش اوچون میمنه شهریدن سبز منطقهسیگه تاماندن قوم و قرینداشلرینی کورماق اوچون بارگنلریده بو ناقانونی قوراللی قومندان اولرنی اوغیرلب و قوروقچیلری بیلن بیرگه گروهی شکلده تجاوز قیلگن.
فاریاب پولیس قومندانی نینگ ایتیشیچه، محل یشاوچیلری تامانیدن خبر بیریلگنیدن سونگ، امنیتی کوچلر حرکت گه کیرگن و قیسقه بیر آتیشمهده ناقانونی قوراللی قومندان ذکرالله هلاک ایتیلیب و تورت عسکری قولگه آلینگن.
سبز منطقهسی اربابی حبیبالله ارباب نینگ سلاموطندارگه ایتیشیچه، مذکور ناقانونی قوراللی قومندان نینگ نیچه ییلدن بویان اونلرچه قتل، تجاوز و اوغیرچیلیککه قولی بار ایکن.
