.jpg)
تورموش قورگنیمدن سونگ حامله بولمهدیم. قرینداشلریم بیرینچیدن مینینگ داکترگه باریب و اوزیمنینگ کورسهتیشیمنی ایستهدیلر. بیراق کیینلر ایسه قرهشلر اوزگردی. توپلم آرهسیده مینگه اشاره قیلیب و قیینچیلیگیم توغریسیده بحث قیلردیلر. توپلم عیاللر آرهسیدهگی بحثلر مثالی و موضوعی بولدیم؛ طعنه و کنایهلر هر کون کوپهییب و کیمسه میندن آرقهداشلیک قیلمس ایدی. شونینگدیک، اوزینینگ عاشق بیلیب و مینگه سیوگی اظهار ایتهدیگن تورموش اورتاغیم حاملهدارلیک گپی اورتهگه چیققنده آیاغینی آرقهگه تارتیب، بو اوزینگنی قیینچیلیگینگ و بو قیینچیلیکنی اوزین حل قیلگین دییردی.
یاردمسیز و درمانسیز قالدیم. اوی فضاسی مینینگ سیقماققه باشلهدی و حاملهدارلیک سوزی قولاق و فکریمده چالینردی. نیچه ییلنی وجودیمده بولمهگن آغریق بیلن اوتکزدیم. آلدیگه بارمهگن داکتر قالمهدی. تاپگن دارودن فایدهلندیم و ایشیم دعا خوانلیک و جادوگرلیککه تارتیلدی. بیراق، حاملهدارلیکدن هیچ بیر نشانه یوق ایدی. تورموش اورتاغیمنینگ اوستیگه قرینداشلریمنینگ باسقینی سایه توشیردی. آته و آنهسی اوندن قیته تورموش قوروشینی ایستهدیلر. لیکن او، هر بیر مرته کوزینینگ آستی بیلن مینگه قرهب و اولرنینگ ایستهگینی رد قیلردی.
.jpg)
ییللر اوتدی و بیزلر ایچکی اوروشلر نتیجهسیده ایران گه مهاجر بولدیک. بالهسیزلیک قیینچیلیگی او ییرده هم مینینگ تینچ قویمهدی و نتیجهده ایرانیلیک بیر متخصصنینگ آلدیگه بارماق اوچون قرار قیلدیم. عیاللر و توغدیریش داکتری معاینه قیلگنیدن سونگ، مین بوتونلهی سالم بولگنیمنی ایتیب و معاینه اوچون تورموش اورتاغیمنینگ داکترگه آلیب کیلیشیمنی ایستهدی.
تورموش اورتاغیم بیلن صحبت قیلدیم. دستلب قیینچیلیک اوزیده بولگنینی قبول قیلمس ایدی؛ بیراق معاینهدن سونگ قیینچیلیک کیمده بولگنی معلوم بولدی و هر بیر قیینچیلیکنی باشیدن توتسنگ آخری باریب عیاللرگه تاقیلهدی و بو موضوع سبب، مینگه بولمهگن عیب اوچون ییللرچه رنج و عذاب چیکدیم.
معاینه نتیجهسی مینینگ ناچارراق قیلدیم. اوزیمدن نفرتلندیم؛ 15 ییل یاشیمنی بیهوده عذاب بیلن اوتکزگنیمگه ایشانچیم کیلمهیدی و تورموش اورتاغیمنینگ وجودیده بولگن اوتگه کویدیم. حاضر یاشیم 50 ده و حاملهدارلیک دارولردن تاپیلگن قیینچیلیکلر مینینگ تینچ قویمهیدی.
عین حالده، ایکی اوغلیم بار. تورت ییل آلدین اولرنینگ سرپرستلیگینی آلدیم. بولرنینگ کوزلری ییر و زماننی کوریشگه آچیلمهگن ایدی. اوغیللریم مین حقیقی آنهلری بولمهگنیمنی بیلمهیدیلر. لیکن مین اولرنینگ جانیمدن آرتیق سیوهمن. اولرنینگ یخشی تربیهلب و یخشی اورگهنیشلری اوچون سعی و حرکت قیلهمن و اولر یخشی اورگهنیب و آدملرنی یخشی تانیب و ییگیت بولگنلریدن سونگ، تورموش قوریب عایلهسی و اینیقسه تورموش اورتاقلری بیلن یخشی علاقهده بولیشلرینی آرزو قیلهمن.
