پروان ساغلیک ریاستی و کسلخانهسیدن اوچ ایشانچلی منبع آتلری فاش ایتیلیشی نی ایستمهی سلاموطندارگه ایتیشلریچه، پروام ملکی کسلخانهسی نینگ رهبرلیگی چهارشنبه کونی یوزبیرگن سووتاشقینلری نینگ تلفاتی توغریسیده ناتوغری رقم ترقتگن.
مذکور منبعلرگه کوره، بو کسلخانه ده انتقال بیریلگن جسد و بو نهاد آرقهلی رسانهلر بیلن شریک قیلینگن رقم گه ۱۰-۱۲ جسد فرقی بار و شونینگدیک کسلخانه ده انتقال بیریلگن یرهدارلرگه هم ۱۵ یرهدار فرقی بار.
پروان ملکی کسلخانهسی نینگ نرسنگ مدیری محمد صادق نینگ ایتیشیچه، قربانیلرنینگ رویخطی نی تیارلش بو نهادنینگ مسئولیتی دیر، بیراق چاریکار شهریده سووتاشقینلری یوزبیرگندن کیین بو مسئولیت نی بیمارستان نینگ آمری بوینیگه آلگن ایکن.
پروان ساغلیک ریاستی باشلیغی صفیالله وارسته نینگ ایتیشیچه، بو عیبلاولر نیچه کوندن بویان میدان گه چیققن. او، بو عیبلاولر توغری یا-ده ناتوغری بولگنی حقیده هیچ بیر نیرسه دیمهگن. اونینگ کوپهیتیریشیچه، بو عیبلاولرنی کوپینچه تیکشیروولرگه احتیاجی بار.
پروان مدنی جماعهچیلیگی نینگ نهادلر بورد مسئولی داکتر محمد شفیع مشفق، قربانیلر توغریسیده کسلخانه تامانیدن ناتوغری رقم ترقهتیلگنی خصوصیده خواطر بیلدیریب ایتیشیچه، بو ایش شاشلینچ وضعیتلر کمیتهسی تامانیدن عمل گه آشیریلیشی کیرهک ایدی.
پروان حاکمی فضلالدین عیار نینگ ایتیشیچه، بوندهی وضعیتلردن قطار کیشیلرنینگ یمان فایدهلنیشی نی احتمالی بار، بیراق نظرگه آلینگن میکانیزملر فاسدلرنینگ تیزلیککه یوزگه چیقارهدی.
پروان ملکی کسلخانهسی آمری داکتر عبدالقاسم سنگین نینگ سلاموطندارگه ایتیشیچه، بو نهادنینگ برچه ایشلری اینیقسه جسدلرنی قید ایتیش جریانیده امنیتی و کشفی ارگانلرنینگ نمایندهلری موجود ایدی و جسدلرنینگ کیملیگی قید ایتیلگنیدن کیین تابوت گه جایلشتیریلهدی ایدی.
اونگه کوره، چهارشنبه کونی سووتاشقینلری باعث قربان بولگنلر سانی جمعه کونی کیچ قورون گچه ۱۱۶ هلاک و ۱۲۸ یرهدارگه کوپهیگن ایکن. جناب سنگین تامانیدن جمعه کونی کیچ قورون گچه سلاموطندارنینگ اختیاری گه قوییلگن رقم نی کورستیشیچه، حادثه قربانیلری نینگ رویخط گه آلیش مسئولیتی باشقه بیر بولیم گه تاپشیریلگن ایکن.
پروان ولایتی نینگ طبیعی حادثهلرگه قرشی کورهش ریاستی نینگ ایتیشیچه، پروان ملکی کسلخانهسی نینگ نهایی رقمی بیللی بولگن، بیراق ولایت مقامی حاضرگچه ۲۰ ایستهککه پول ترقهتیلیشی خصوصیده بویروغ بیرگن.
پروان ملکی کسلخانهسی تامانیدن ترقهتیلگن رقملر خیالی بولگنی ادعا قیلینگن بیرحالده، حکومت پروان سووتاشقینلریده هلاک بولگن هر بیر جسد اوچون ۵۰ مینگ افغانی پول نظر گه آلگن.
