جوزجان اوقیتوچیلریدن بیر قطاری سلاموطندارگه صحبت بیریب، جوزجان ولایتی نینگ معارف ریاستیدهگی پاره خورلیک سیرلرنی فاش قیلدیلر. ولایت مکتبلریده اوقیتوچی بولیش اوچون ایکی مینگ دالر پاره بیریشگه مجبور بولهسیز، بولمهگن تقدیرده، «اوقیتوچیلیکنی توشینگیزده کورهسیز.»
اوشبو اوقیتوچیلرنینگ ایتیشلریچه، جوزجانده اوقیتوچی بولهدیگنلر ولایت محلی رسمیلری و معارف وزیرلیگی بیلن علاقهده بولسهلر و شونینگدیک تقاعد قیلیش اوچون مذکور ریاستگه مراجعت قیلگن صورتده هم ایکی مینگ دالر بیریشگه مجبورلر.
اولرنینگ ایتیشلریچه، بالهلری باشقه ایش بیلن شغله نیشگه حاضرلر، بیراق مکتبگه قویمیدیلر؛ نیگه دیگنده «معارفدن بیرنرسه توزهلمیدی.» اولرگه کوره، اوشبو ولایتده اعلام بولگن پستلر، پولدارلرگه ییتهدی.
اوقیتوچیلرنینگ ایتیشلریچه، حاضرگه قدر جوزجان معارفی نینگ رسمیلریدن نیچه مرته فساد دوسیهسی باشقره لاوچیلیک ادرارهسی رویخطگه آلگن.
جوزجان معارف ریاستی باشلیغی عبدالحی یشین اوقیتوچیلرنینگ انتقادلرینی قبول قیلهدی، بیراق اونینگ ایتیشیچه، نامزدلرنینگ کوپلیگی سبب بولگن تا بونقه انتقادلر بیلن روپهره بولسه.
جوزجان والیسی نینگ سوزلاوچیسی محمدرضا غفوری هم داوطلبلر سیناوی تینیقلیک بیلن آلینگن و ایشگه آلینگن اوقیتوچیلردن پاره خورلیک بیلن اوتگنلیگیگه شاهد و حجت تاپگن صورتده عامللر بیلن قانونی برخورد بولهدی دیدی.
