کابل ترافیک عمومی مدیریتی نینگ اونلب منصبداری و ساتنمنلری بوگون (شنبه) ملی کینگش مقابیلیده ییغیلیب، ایچکی ایشلر وزیرلیگی بولرنی طالبلرگه قرشی اوروش قیلیش اوچون ارزگان، هلمند و قندهار ولایتلریگه یوبارهدی دیگنلر. کابل ترافیک ادارهسینینگ ملازملریدن حمید، ایچکی ایشلر وزیرلیگیگه ینگیدن وجودگه کیلگن اوزگریشلر اساسیده ترافیک عمومی ادارهسی نینگ 72 ملازمی مسلککه قرشی حربی ساحهده وظیفه قیلیش اوچون اوروش بار ولایتلرگه یوباریله دیلر دیگن. ایچکی ایشلر وزیرلیگی نینگ بو لایحهسیگه اعتراض بیلدیرگن محمد ابراهیم حربی ساحه همده قورال اسلحهنی ایشلهتیش اوچون تجربهسی بولمهگن لیگیگه قرهمی، ارزگان ولایتیگه کیتیب طالبلرگه قرشی اوروش قیلیش اوچون نظرده توتیلگن لیگینی ایتگین.
کابل ترافیک عمومی مدیریتی ملازملری نینگ بو ادعالرینی رد قیلگن ایچکی ایشلر وزیرلیگی نینگ سوزلاووچیسی صدیق صدیقی، ترافیک ادارهسی ملازملری هیچ بیر زمان حربی کوچ صفتیده اوروش میدانلریگه یوباریلمیدیلر دیگن. بلکه، ترافیک پولیسی صفتیده «احتیاطی لوازملر» اوچون ولایتلرگه یوباریله دیلر دیگن. بوندن ایکی ییل آلدین هم کابل شهری ترافیک مدیریتی نینگ ملازملری مسلکلریگه قرشی هلمند ولایتیده وظیفه اجرا قیلیش اوچون یوباریلگن ایدیلر. اما، ملی کینگش ارهلهشیشی بیلن مذکور منصبدارلر خذمتی عسکر حیثیده قیته دن کابلده وظیفگه تعین ایتیلگن ایدیلر.
