 - Copy 1.jpg)
پروان ولایتینینگ سیاهگردِ تومنی ولسوالی نورآقا سامی اوشبو خبرنی تصدیقلب سلاموطندارگه ایتیشیچه، مذکور مدرسهلرنینگ اوقووچیلری و اوقیتوچیلری نی باشقه مدرسهلرگه یوبارگنلر.
سیاهگرد تومنی ولسوالی طالبلرنینگ قیلگن اقدامی نی سیاسی دیب ایتیشیچه، طالبلرنینگ مذکور مدرسهلر ایشیگی نی باغلشدن مقصدی، عایلهلر فرزندلرینی دینی بیلیم آلیش اوچون پاکستان گه یوباریش خصوصیده تشویق قیلیش احتمالی بار.
پروان معارفی باشلیغی عبدالظهور حکیم نینگ ایتیشیچه، طالبلر شینواری و سیاهگرد تومنی نینگ معارف آمریتی گه رسمی نامهلر یوباریب و مذکور مدرسهلر فعالیتی توختهتیلیشی نی سورهگنلر.
پروان معارفی باشلیغی نینگ کوپهیتیریشیچه، اولر مذکور نامهلرنی مرکزی و محلی حکومت بیلن اورتهگه قوییب و اولرنینگ جوابی گه کوتیب تورگنلر.
 - Copy 1.jpg)
پروان حاکمی سوزلاوچیسی وحیده شهکارنینگ ایتیشیچه، یالغیز ایکی مدرسه اوقووچیلری نینگ رقمی 700 دن آرتیق دیر.
پروان حاکمی سوزلاوچیسی نینگ کوپهیتیریشیچه، مذکور مدرسهلر طالبلر نظارتی گه بولگن منطقهلرده فعالیت قیلهدی و طالبان گروهی جنگریلری اِیسلنگن مدرسهلرده باریب اولرنینگ رسمی حجتلرینی اوزلری بیلن آلیب کیتگن و شونینگدیک اولرنینگ باشقه فعالیت قیلمهیشلری توغریسیده آگاهلنتیرگن.
دینی مدرسهلر دینی تعلیمات آلیش خصوصیده قولهیلیک یرهتیش اوچون مملکت معارف وزیرلیگی نینگ چارچوبهسیده فعالیت قیلهدی.
